التسميات

ايميل تل | قتل بسبب المزاح ام العنصرية !؟

 الموضوع الي بتكلم فيه النهاردة مهم جداً .. ومش كل الناس بتهتم تعرفه لإنه بالنسبالهم فيه نوع من انواع الملل .. " العنصرية " 
احترت ابدا المقال بإية ؟ .. ملقتش غير مقولة قالها " نيسلون مانديلا"
* لا احد يولد وهو يكره انسانا آخر بسبب لون الجلد او الأصل او الدين*
يعني انا وانت اتولدنا ومفيش جوانا ذرة كره واحده تجاه حد .. بس بنتعلم الكره علي حسب المجتمع الى محيط بينا ونظرتنا للناس بتبقى على حسب المجتمع ده خلانا نبصلهم ازاى .. انت مسيحي كافر .. وانت مسلم ارهابي 
وانت اسود .. وانت تخين..وانت وانت .. .. 
بقى كل واحد فينا بيحاسب التانى وبيكره التانى.. نيلسون قال الكره بنتعلمه .. بس زي ماتعلمنا الكره نقدر نتعلم الحب .. لأن الحب اقرب للإنسان من الكره .. 
القصة اللي هنتكلم فيها دلوقت كانت سبب رئيسي في تأسيس " حركة الحقوق المدنية في الولايات المتحدة " يعني ايه الكلام ده .. دي حركة اجتماعية كان الهدف منها ايقاف التمييز العنصري للأميريكيين الأفارقة في الولايات المتحدة .. الناس دي بعد ماحست بالاضطهاد وانها مش واخدة حقها هناك قرروا ياخدوا حقهم بالذوق او بالعافية الحملة دى كان أبرز نشاط ليها في جنوبي الولايات 
طب هي ايه القصة اللي خلت الناس دي تعمل كدة ؟ 
كل الحكاية ولد صغير عنده 14 سنة اسمه " إيميت تِل ".. 
القصة بتبدأ لما الطفل زار قرايبه في منطقة اسمها " دلتا المسيسيبي " 
وجمب بيت قرايبه دخل إيميت محل بقالة ..صاحب المحل اسمه " روي براينت " 
بس الي كان واقف في المحل مراته " كارولين " لأن جوزها كان مسافر .. ام الولد حذرته كتير جداً انه ميهزرش مع الأمريكان " اصحاب البشره البيضاء ".. 
نبهته اكتر من مره ميهزرش مع حد منهم لإن
مفيش بينهم وبين الناس دي أي هزار او تعامل 
الولد للأسف اتجاوز الخطوط الحمراء وهزر مع كارولين 
زوج كارولين رجع من السفر بعد 3 ايام
فـ مراته قالتله ان الولد " الأسود " ايميت .. عاكسها 
الراجل اتعصب وراح هو وأخوة " ميلام " لبيت قرايب الولد 
وخدوة ونقلوة " لـ حظيرة " وضربوة بمنتهى الوحشية لحد ماعينه طلعت من مكانها .. بعدها ضربوه بالنار في راسه وربطه " روي في مروحة " آله القطن " ولف رقبته بأسلاك شائكة .. وإتخلص من جثته في نهر " تالاهاتشي .. 
بعدها بفترة .. الناس لقت جثة الولد .. ووالدته أصرت ان مراسم الجنازة تتم والنعش بتاع ابنها مفتوح للناس .. عشان يظهر للعالم قد ايه الجريمة كانت بشعة 
وصورة الولد اتنشرت في كل المجلات والجرايد 
وبرغم التعاطف اللى الناس تعاطفته مع الولد وأمه فى الأول .. مع الوقت إنحازوا للقاتل وأخوة " روي وميلام " عشان كانوا " من اصحاب البشرة البيضاء " مش بس كدة .. كمان طلعوا من قضية الخطف والقتل وخدوا براءة مع انهم اعترفوا للصحافة بجريمتهم 
الافارقة الاميركيين طلعوا غضبهم الى كانو كابحينه كل الفترة دى 
والقضية دى هي اللى حفزتهم يأسسوا " حركة الحقوق المدنية " زي ماذكرت 
الحركة بدأت من " مسيسيبي .. مسقط رأس الولد ايميت " 
وسنة 2004 جثة الولد طلعت وعادوا تشريحها .. ودفنوه تاني فى تابوت جديد 
وإتبرعوا بالنعش الأصلي لمعهد .. الطفل كان سبب فى تغيير مجتمع كامل وأجيال جت بعده . 
********
يبقى هنا السؤال :.. ابشع الجرائم اللى حصلت بسبب العنصرية كانت فى امريكا .. التاريخ شاهد عليهم اكيد .. لكن رأيكم انتوا .. مناداتهم بالحرية والسلام مجرد غطاء على مشاعرهم ولسه عندهم عرق العنصرية ولا فعلاً تجاوزوا المرحلة دي ؟
مع العلم .. ان في قضايا كتير حصلت في السنين اللى فاتت مشابهه ومنهم شاب اسمه " ترايفون مارتن " وشاب تاني اسمه" مايكل براون " وطفل اسمه " تامير رايس " وغيرهم كتير.
السؤال التانى : شايفين نفسنا كـ عرب عموماً ..
فين من العنصرية ؟
********
الصور المرفقة " قد لا تناسب اصحاب القلوب الضعيفة " 
الصور الحقيقية للقتله والطفل وأمه 
********
بعض الإقتراحات للمهتمين بقضية "العنصرية"
10 أفلام تحدثوا عن العنصرية بمختلف اشكالها
******
Roots 
Romper Stomper
Men of Honor
A time to kill 
The help 
42
Guess who's coming to dinner
years a slave
American History X
Crash 
****
مصادر : 
https://en.wikipedia.org/wiki/Emmett_Till






التسميات:

تعليقات

إرسال تعليق

المشاركات الشائعة