ستار من الدخان - الجزء الأول

 تنويه هام : جميع البيانات والمعلومات والمصادر التي تدين هؤلاء يتم التخلص منها مؤخراً من على محركات البحث بشكل قوي في حملة واسعة تُجبر الجميع على الإلتزام بالصمت وصلت حملات التنظيف الواسعة إلى مرحلة حذف المقالات والأخبار  التي تشهد على التلاعب حتى السجلات الأرشيفية لم يعد لها وجود الآن , لن تجد على الإنترنت الآن سوى رأي واحد وعشرات بل مئات  الفيديوهات والأخبار التي تُحجم تفكيرك في قالب واحد فقط وتؤكد لك انها " معلومات مزيفة " وأن هؤلاء , لا غبار عليهم , رأي واحد فقط يتصدر جميع نتائج البحث الآن واذا كنت لا تصدق , فجرب بنفسك وابحث ..

ولذلك كل ما انت على وشك قراءته الآن , يرجع لك وحدك لأن بعض المصادر التي سنرفقها لكم في نهاية المقال , تم غلقها نهائياً منذ ايام قليلة جداً علماً بأن المقال استغرق اسبوع ونصف كتابة وبحث وكانت جميع الروابط تعمل بشكل طبيعي , وهذا يعني ان تلك المصادر تم التخلص منها حديثاً !

حرصاً على عدم تعريض حساباتنا والمدونه لخطر او حظر كما حدث في المقال الاخير الذي كان سبب في حظري لمدة 30 يوماً , تم استخدام مصطلحات ورموز لإسقاط المعنى عليها بشكل غير مباشر وحاولنا المراوغة في النشر .

__________________

( "السبب"  هو السؤال الذي نبحث عن اجابته دائماً

" الدائرة المغلقة " التي تجعلنا عالقين بداخلها ندور فيها باحثين عن مخرج )

"كل شيء في الكون لا يحدث دون سبب أو عبثاً أو محض الصدفة
داخل كل سبب سر يُمهّد الطريق لسبب آخر. "

_________________

عمرك فكرت ان كل اللي بيحصل حواليك في الحياة من كوارث , حروب , زلازل , أوبئة ومجاعات وموت .. مش محض صدفه؟ أحداث متعمده ؟ لو انت من الناس اللي مش بتؤمن بوجود اللهو الخفي ولا العصاية السحرية اللي بتحرك كل حاجه من بعيد , فإنت بعد المقال ده محتاج تعيد حساباتك 

مع إنتشار أزمة كورونا فيروس ومجموعة من الكوارث الطبيعية والأحداث السياسية الغريبة المسلسلة سألنا نفسنا ايه اللي بيحصل؟ 

ماتيجي نحكيلك .. ايه اللي حصل فعلاً؟ 

سيناريو الناقوس
عائلة من أصحاب النفوذ مجتمعين ليتشاوروا في سيناريوهات السيطرة على العالم

 المخرج " روسو "  عام 2007, فجر سلسلة من الاعترافات التي كانت سبباً في أن يفقد حياته بعدها بشهور قليلة .
بدأ روسو في كلامه مع المذيع اليكس جونز ..يروي كيف كان مخرجاً ناجحاً وله نشاطات واراء سياسية مهمة في ذلك الوقت , وكيف ان فيلمه الأخير " ماد از هيل " انتاج 1991 م ..غير حياته للأبد والذي يهاجم من خلاله عائلات ذات نفوذ وسلطة في أمريكا واتهمهم بالفساد وهاجم الحكومة الأمريكية من خلاله 
ويبدو ان الفيلم استفز واحد من تلك العائلات صاحبة النفوذ التي تم الاشارة لهم في الفيلم , لدرجة ان ذلك الشخص طلب عن طريق صديق مشترك بينهم أن يقابله ويتعرف عليه ويدعوه لمنزله لتناول مشروب معاً.
وكان ذلك الشخص هو " نيكولاس روكـ&ـفلـ&ـر"  واعترف له عن مدى اعجابه بالفيلم واراءه ولأي مدى كان روسو محقاً وان فيلمه لمس الواقع فعلاً . 
وتشعب النقاش بينهم ليشمل عدة مواضيع منها : ( الخطر في زيادة عدد سكان الأرض , الحدث الكبير القادم ، غزو محتمل للعراق وافغانستان ، الاستيلاء على حقول النفط ، ومحاربة الارهاب بدون عدو حقيقي, دعم الحركة النسوية , شرائح التحكم في البشر )
وأكد روسو خلال مقابلته ان جميع السيناريوهات التي أخبره نيك بها
تحقق منها الكثير مثل أحداث 11 سبتمبر 

تقدر تقرأ التفاصيل وتشوف المقابلة من هنا : اضغط هنا لتقرأ المقال

الناس اللي تابعت مقال " كيف غرق العالم في وحل سادته " فانتوا عارفين المقابلة واللي حصل فيها بالفعل اما لو معندكش فكره انصحك ترجع للمقال تقرأه قبل ماتكمل .. ندخل في المفيد

خطر زيادة عدد سكان الأرض

يحكي روسو ان نيك تحدث معه عن خطر الزيادة في عدد سكان الأرض , وكيف أنهم لن يسمحوا بأن يتطور الأمر أكثر من ذلك , وأن زيادة عدد السكان يعني إنتهاء الموارد الغذائية والمياة الصالحة للشرب بالاضافة للتغيرات المناخية الخطيرة , وكيف انهم يعملون على حل المشكلة تحت أجندة " NWO" , النظام العالمي الجديد . 

هنا نقدر نقول ان روكـ&ـفلر بيتبنوا نظرية ( المـ&ـليـار الذهبي ) زيهم زي آل (روتـ&ـشيـ&ـلد )
وعائلات نخبة المجتمع .

تعال نرجع  للتسعينات وبالتحديد سنة 1992 م , الدول العظمى اجتمعوا واتناقشوا في قضية  خطورة زيادة عدد سكان الأرض , وان الارض هتفقد توازنها البيئي بسبب زيادة عدد البشر وان الموارد هتنتهي من الارض لأنها مش هتكفي العدد ده كله , ده غير المجاعات والهمجية اللي هتنتشر .. وقتها كان لازم يحطوا حل للزيادة في تعداد السكان الي في تزايد .. وكانت الحلول سيناريوهات مدروسة ومن بينهم سيناريو معظمنا سمع عنه فترة انتشار كورونا وهو "مشروع المـ&ـليار الذهبي " 

وعشان اسهل عليك المعلومه وافهمك بالمختصر يعني ايه مليـ&ـار ذهبي ..
المشروع قائم على هدف واحد " 7 مليار انسان على وجه الارض " لازم يموتوا ويعيش منهم مليار واحد فقط 
بيحملوا صفات جينية ووراثية قوية , ومكانتهم الاجتماعية افضل من بقية الناس . 
والأدلة موجوده .. وكتير

صحيح معظمنا سمع عن الموضوع ومن غرابته ناس كتير مصدقتوش , لكن لو رجعت تركز في كلام روسو والاحداث الغريبة اللى حصلت في اخر سنتين  هتلاقي التشابه كبير ومخيف , وواضح .

التحكم في الطقس, الكوارث الطبيعية , الحروب , الإرهاب بدون عدو حقيقي , الأوبئة, سيناريوهات اتردد عنها كلام كتير في الفترة الأخيرة ونقدر نقول انها مناسبة للقضاء على البشر وتقليص عدد السكان .. !

هل الكلام ده ممكن يكون حقيقي وبيحصل وهيحصل, ولا دي مجرد نظرية من بعض الناس الفاضية كالعادة؟

بعد 4 سنين من مقابلة روسو وفي سنة 2010 شهر مايو , تم كتابة ونشر وثيقة من مؤسسة " روكـ&ـفلـ&ـر "
بإسم " سيناريوهات لمستقبل التكنولوجيا والتنمية الدولية " وتقدر تلاقيها على موقعهم الرسمي متاحه للقراءة بالكامل وبشكل مجاني . اضغط هنا للقراءة

وذكروا في الوثيقة انه تم كتابتها في عام 2003 ولكن تم نشرها في عام 2010 وانها كانت نتيجة تعاون بين المؤسسة وبين شركة Global business network والهدف منها هو مناقشة وطرح سيناريوهات في 55 صفحة تقريباً , بيحكوا فيها سيناريوهات " ممكن " تحصل في المستقبل وأكدوا انها " مجرد فرضيات" وحسب الوثيقة , في بعض الأحداث اللي هتحصل سنة 2030 بالتحديد وحاطين ارشادات للحكومات , للتعامل مع الأحداث دي ولحلها 

طيب الوثيقة دي بتقول ايه ؟ 

الوثيقة بتتكلم زي ماقولنا عن بعض الاحداث اللي متوقع لها تحصل في 2030 , وبيحكي بالتفصيل حسب السيناريوهات ايه اللي ممكن يحصل من بداية 2020 لحد مانوصل لـ2030 والأحداث الكبرى 
زي التطور التكنولوجي وازاي التكنولوجيا هتبقى المتحكم الأول في العالم 
وازاي ممكن يستخدموا التكنولوجيا لصالحهم ولصالح الحكومات , ولحد هنا الامور قد تبدو طبيعية 

ولحد ماتوصل لإحدى الصفحات من الوثيقة اللي بتحط 4 خطوات وحلول مهمة للتحكم والسيطرة

وتصبح الأمور غريبه 

الخطوة الأولى 
Lock $tep

تبدأ صفحة " لوك ستيب " بالجملة التالية :
" عالم من سيطرة حكومية أكثر صرامة , من الأعلى إلى الأسفل
وقيادة اكثر استبداديه مع ابتكار محدود وتزايد في مقاومة المواطنين " 

وبتبدأ الوثيقة تشرح ان في فيروس ظهر عام 2012 م وجميع الدول مكانتش مستعده ليه حتى الدول العظمى المعروف عنها تطورها واستعدادها مكانتش على القدر الكافي من الاستعداد , وان الفيروس اصاب 20% من سكان الأرض وقتل 8 مليون انسان واغلبهم من الشباب الأصحاء واللي مش بيعانوا من امراض مزمنه وكل ده في خلال 7 أشهر فقط !

وقالوا كمان ان الفيروس اثر في الاقتصاد العالمي وحركة التجارة العالمية بشكل كبير وخطير جداً وجميع الأعمال توقفت لأول مره في التاريخ الحديث , وجميع المباني والشوارع اصبحت فارغه تماماً لمدة شهور ..

خدت بالك من حاجه ؟ الكلام مفكركش بحاجه؟
تعال نعلق على كم حاجه في السيناريو سوا 

أولاً:  الوثيقة زي ماقولنالك اتنشرت سنة 2010 , وتم كتابتها عام 2003 .. وده مش كلامنا .. ده كلام الوثيقة نفسها , كلامهم هما .. يعني كانو بيتكلموا عن المستقبل .

ثانيا: ايه الفيروس اللي هيخلي الناس كلها تقعد في بيوتها ويوقف حركة التجارة والاقتصاد وهتتوقف بسببه جميع الأعمال في 2012 ؟ 

تعال نرجع لـ2019 في بداية انتشار فيروس كورونا , منظمة الصحة العالمية والجهات العلمية أعلنوا ان فيروس كورونا فيروس مش جديد ولا حاجه , وان اول ظهور له كان في 2012 ,  واول ظهور له كان في المملكة العربية السعودية وأطلقوا عليه اسم " متلازمة الشرق الأوسط التنفسية " ولكن قدروا يسيطروا عليه ويحدوا من انتشاره في الوقت ده وبالتالي منتشرش وفشل في التسبب "بجائحة" 

لو حابب تقرأ كلام منظمة الصحة العالمية وتتأكد بنفسك إقرأ المقال من هنا

نرجع بقا للوثيقه !
الوثيقه قالت ان رغم انتشار الفايروس , الا ان كان في دول ذكية قدرت تجتاز الجائحة بسهولة زي " الصين " وانها فرضت اجراءات الحجر الإلزامي لكل المواطنين ووقفت حركة الطيران والسفر نهائياً
وعرفوا يرجعوا للحياة الطبيعية بشكل أسرع من باقي الدول اللي مازالوا بيعانوا 

كل التفاصيل دي بشكل صادم جداً عيشناها في 2020 وفترة انتشار كورونا ! ومازلنا لحد يومنا بنعيشه !
وصعب جداً ان نقول ان ده كله محض صدفة  ..!
ممكن التوقعات تتحقق , لكن هل أدق أدق التفاصيل , سهل تتحقق كمان؟ 

احنا كده عدينا الجزء السهل , اما الأصعب فهو القادم 

الجزء المرعب من الوثيقه
" مخطط الاستبدادية "

بيذكر المخطط ان بعد تدهور معنويات المواطنين وبعد تفشي الفايروس في جميع دول العالم , هتبدأ الحكومات تفرض سيطرتها وقوانينها اكتر من الأول , من خلال فرض " أقنعة الوجه " وقياس درجات الحرارة بشكل إلزامي في اماكن زي محطات المترو والسوبرماركت , وان الموضوع هيستمر حتى بعد مايختفي المرض.

المشكلة ان الوثيقة مش بتحاول حتى تحط حلول للمواطنين او تتكلم عن سلامتهم , الوثيقه بتتكلم عن الاستبداد بشكل كامل وكل تركيزهم على السيطرة والتحكم وكلامهم موجه بشكل مباشر للحكومات حتى فرض اقنعة الوجه وقياس درجات الحرارة صنفوها كنوع من التحكم والسيطرة , مش كنوع من سلامة الشعوب مثلا..

وبتشرح الوثيقة ازاي الناس هتبدأ تتقبل من الحكومات أي حاجه يفرضوها عليهم .. وان اي حاجه كان صعب يقنعوا بيها الناس والناس مش هتنصاع لها في الاوقات العادية , وقت الفايروس الوضع هيكون مختلف وهيكونوا في حالة ضعف وبالتالي هيقبلوا جميع توجيهات وارشادات الحكومات

يعني بالبلدي لو قولنالك " حظر " واوعى تنزل من بيتك , هتلتزم غصب عنك .. لو قولنالك خد لقاح .. هتاخده!
عشان كده كانو شايفين ان سيناريو الوباء هو أنسب سيناريو للتحكم في الناس .

خليني اقتبسلك من الوثيقة : " مع شعور الناس بالضعف تصبح السيطرة عليهم أسهل وتستمر السيطرة حتى بعد انتهاء الوباء " 

 يزداد الخوف ويزداد الضعف لتكون السيطرة اسهل
ليكون تقبل اللجوء لحل اللقاح .. أسرع !

مش هنقدر ننكر ان كلنا حسينا بالملل .. البشر محتاجين الحياة الطبيعية , محتاجين نتخلص من الكمامة ومن الخوف من الوباء , عايزين نتجمع مع اهلنا ونخرج ونتفسح براحتنا , ومنفقدش حد مننا ..

اللقاح 

" إذا تم تصنيع الفايروس , إذاً فتم تصنيع اللقاح " 

إذا حاولت النشر على صفحتك الشخصية  اي معلومات او اخبار  سلبيه او تحذر من اللقاح , سيتم حظرك وحذف منشورك .
__________

" أيادي خفية تلعب في الظلام , تُحرك خيوط اللعبة وفق أهوائها , وبصمات حريصة لا تترك أثر وهي تُنظف خلف جرائم أرتُكبت لتُترك بدون جاني .. أدلة وخيوط تتشابك ليعلق فيها العنكبوت الأكبر لينسج خيوطه ليبني مهدُه . "

البقية تأتيكم قريباً في جزء ثاني ونترككم مع جزء من مقابلة " روسو " .
 

بحث وإعداد : ميريهان عمر , يارا عمر