آرون روسو | كيف غرق العالم في وحل سادته؟
تعال اعرفك بـ آرون روسو ، الراجل اللي ساب وراه اعتراف من اهم الاعترافات في تاريخنا الحديث ،، انا هسمعك بودنك وهوريك بعينك امور لا تحتاج التفسير ، وتصديقك او تكذيبك لها شيء راجعلك لوحدك
----
بداية
آرون روسو منتج ومخرج مشهور اتولد في نيويورك وقضى طفولته في لونغ آيلاند ، ولما كبر افتتح ملهى في شيكاغو وكان من الاماكن المشهورة في زمنه وبيحضر عنده مشاهير زي آيرون باترفلاي ، ذا جريانت ميت ، جيفرسون ايرلاينز ، جانيس جوبلين ، ليد زيبلين
ده غير ان روسو بنفسه كان بيؤدي عروض موسيقية في السبعينات
وفب اواخر السبعينات كده قرر روسو يتجه لمجال انتاج واخراج الافلام ويشتغل في مجال الترفيه وفعلا في الفترة دي كان بيخرج وينتج لمشاهير كتير زي بيت ميدلر اللي بسببه خدت جوائز واترشحت للأوسكار وجولدن جلوب وهو شخصياً اتكرم بجوائز مرموقه جدا .
وحقق ارون نجاحات كتير خطفت الأنظار فعلا وكل هوليوود بتشهدله بيها ومحدش يقدر ينكرها نهائياً ، لحد ماقرر ارون يركز مع السياسة ويشارك في انشطة سياسية في بدايات التسعينات وبسببها اخرج وانتج افلام سياسية وبتناقش قضايا سياسية كبيره في امريكا وبتفضح الفساد في البنوك والضرائب وغيرهم وكانت افلام قوي جداً زي الفيلم الوثائقي ( " أمريكا : من الحرية إلى الفاشية")
وقرر ارون يشارك في الانتخابات الامريكية كمرشح من الحزب الجمهوري في انتخاب حاكم ولاية نيفادا لكن خسر بتصويت ٢٦٪ فقط سنة ٢٠٠١ قصاد شخص اسمه كيني غينو
ولكن ده خلاه ياخد خطوه السباق الرئاسي في امريكا كمرشح مستقل وسنة ٢٠٠٧ اعلن دعمه لـ عضو كونغرس اسمه رون بول
وفي نفس السنة انشأ منظمة سياسية هدفها تنفيذ افكار سياسية كان طرحها في الفيلم اللي حكيتلك عنه من شويه .. !
طب ركز بقا معايا كده عشان الامور هتزداد خطوره
في نهاية يناير ٢٠٠٧ كده آرون عمل لقاء في برنامج مع شخص اسمه اليكس جونز وقال انه وافق يحضر اللقاء ويظهر مع اليكس عشان يتكلم بصوت عالي وكان باين عليه ان مش فارق معاه ايه هيحصل بعد كده !
وكلام ارون كان خطير !
ارون حكى انه بعد ما اخرج وانتج فيلم ( ماد از اهيل ) اللي بيهاجم سياسات كتير في امريكا وعائلات مشهورة واتهمهم بالفساد .. قال ان اتضح ان شخص من العائلة المشهورة طلب يقابله عن طريق محاميه يعرفها .
وكان الشخص اللي طلب يقابله هو نيك روكفلر وهو واحد من عائلة روكفلر المشهورة واسمها رمز للسياسات المصرفية الامريكية للدول اللي عليها ديون وليهم مصالح في ايران ومؤسسين لصناعة النفط ويعتبرو من كبار رجال الاعمال والصناعة
طب ياترى نيك كان عايز ايه بالظبط من آرون ؟
نيك عجبه جدا آرون وفيلمه ( ماد از هيل ) وقال انه هو كمان اعجب بنيك وعقليته ولأنه كان راجل شديد الذكاء ساب انطباع جواه قوي بعد لقائهم ، وقال انه تردد كتير على منزله وكبر الكلام بينهم واتوسع في امور مهمه
زي ( زيادة عدد سكان الأرض , الحدث الكبير القادم ، غزو محتمل للعراق وافغانستان ، واستيلاء على حقول نفط ، ومحاربة الارهاب بدون عدو حقيقي )!!!
ماتيجي نسمع من ارون نفسه؟ يلا بينا..
جزء من مقابلة آرون مع أليكس ..اضغط على الفيديو عشان تشوفه كامل .. تقدر تشوف المقابلة كاملة هنا :
https://youtu.be/N3NA17CCboA
وهنا جزء منها مترجم
https://youtu.be/TdtPD8RCjiE
ارون قال ان بعد المقابلات اللي حصلت بينه وبين نيك حصل الحدث الكبير اللي لمح عنه نيك وقال انه هيغير الاحداث في العالم كله وهيبدأوا بيه النظام العالمي الجديد ، وقال ان الحدث الكبير كان احداث ١١ سبتمبر وده خلاه يفهم كلام نيك كويس جدا وازاي هيهيئوا لعالم لما يسمى بـ" الحرب على الارهاب " !
والي وصفها زي ماسمعت في الفيديو بنفسك
( انها حرب مثالية لأن العدو غير معروف )
خد بقا المفاجأة دي ، بعد شهور قليلة جدا في نفس السنة من مقابلة آرون مع أليكس توفى آرون نتيجة لانتشار السرطان في جسمه بصورة كبيرة وسريعة جدا ، وده خلى احد اصدقاءه المقربين جدا والي كان بيشاركه اسراره يقول ان آرون تعرض للإغتيال عن طريق حقنه بغرض انتشار السرطان في جسمه بدل العلاج الحقيقي ..
واتقفلت صفحة آرون للأبد ومسابش وراه غير رسالة للبشرية مدتها ٤٠ ثانية بيطلب منهم يكونوا اقوياء ويقفو ضد الفساد وانهم سوياً هيسقطوا كل الفاسدين وتقدر تسمعها من هنا :
https://youtu.be/hahJIRTHhYk
طب ماتيجي بقا اوريك حاجه لطيفه .. سنة ٢٠٠١ وبالتحديد ١١ سبتمبر ، يوم الحدث الكبير ، قدامك جورج بوش بيشارك في حصة درس قراءة في احدى مدارس فلوريدا الابتدائية وتخيل المدرسة كانت بتكرر كلمات ايه للطلاب ؟
Kite , hit, steel , plane , must
طائرة ورقية ، صدم او ارتطم ، فولاذ ، طائرة ، يجب
بالمناسبة جورج كان بيردد معاهم وفي ثواني قليلة تم ابلاغة بالخبر .. واو !
طب تعرف ان قبل الحادثة بيوم واحد كان في استجواب في الكونغرس لـ وزير الدفاع " دونالد رامسفيلد " من لجنة تقصي الحقائق عشان مبلغ ضخم مفقود من ميزانية الدفاع
وبعد الاستجواب حصل الحادث الضخم وده خلاهم يغلقوا اللجنة ويشطبوا المبلغ المفقود ؟
عايز دليل على ده ؟ اقرأ هنا 👇🏻
https://www.city-journal.org/.../americas-missing-money
وكلنا عارفين اللي جه بعد كده ليومنا، وكل ده أكد على كلام آرون بالفعل وعلى شهادته في اللقاء !
ودمتم بخير ❤️🌹
تعليقات
إرسال تعليق