الأحد القاتم | اغنية تقتل من يسمعها
خبر سار للناس الكئيبة 
:D
عزيزتى المجروحة عزيزي المجروح " ركز معايا ":D 
B|
هتكلم النهاردة عن أغنية قتلت كل الى سمعها !! * أغنية مميته *
O.o
أعزائي القراء , جهزوا مناديلكم.. جهزوا برشام الصداع
:3
موضوعنا النهاردة اخطر من " مصطفى كامل ومحمد محيي "
موضوعنا مليان شحنه سلبية جبارة
3:)
هنسمي بالله ونبدأ:D
لينك الأغنيه فى اخر الموضوع
^_^ "دلوقت هيجروا يفتحوا
الأغنية قبل مايقرأوا " #حركات_مصريين :D
************
مش غريب علينا اننا نسمع اغنيه فانحس بالاحباط والإكتئاب لدرجة اننا كتير بنعيط " بتحصل كتير جدا "
ساعات الأغانى بتصحى ذكرى فى نفوسنا او شعور مدفون فى قلوبنا , فا بتستفز دموعك عشان تعيط
بس لما تكون الأغنية كئيبة لدرجة ان اللى يسمعها يموت !!! ده بقى اللى غريب اوى .. خلوني احكيلكم قصة قصيرة
فى تلاتينات القرن الماضي , أوروبا مكانتش بلد جميله ومسالمه زي دلوقت , كان فى فساد كتير جدا
والأحزاب المتطرفة كانت بتستميل الناس الفقراء والعاطلين واللى رافضين الاوضاع السياسية والاقتصادية فى البلد
" الجزء ده بيفكركم بحاجه !؟؟! لا خلاص خلينا فى موضوعنا عشان مروحش فى داهية ":D
كلنا سمعنا عن " المجر ( هنغاريا ) " المنطقة دي كمان كان وضعها زي وضع لندن , وشبابهم فقراء ومعدومين وحالتهم كرب !
الوضع الكئيب اللى كله بؤس ده كان بيخلى الناس تعمل تصرفات متطرفة زي السرقة والنهب والنصب والعنف .. والإنتحار!
المجر كان عندها اعلى معدلات الانتحار في القارة الأوروبية , عشان كده الشرطه مهتمتش لما استدعوهم يعاينوا جثة الاسكافي " الجزمجي يعني " "جوزيف كالر " اللى مات منتحر زي ناس كتير اوى .. شنق نفسه فى اوضته فى بيته المتهالك واللى رايح فى داهية ! فى حارة صغيرة رايحة فى داهية فى منطقة بودابست, يعني الراجل كان البؤس حواليه فى كل مكان ولا حد بيسأل عليه ولا بيعبرة , اسكافي عنده حوالى خمسين سنه عازب وتعبان ومفلس ..كانوا هيهتموا بيه ليه ؟!
فى محقق اسمه " كارل لانكه " زار الاوضة الي الاسكافي انتحر فيها كإجراء روتيني كده , يعني بالبلدي بيعمل الواجب
لقى ان الاوضة قديمة وريحتها وحشة وضلمة , وقال : " ازاى استحمل الاسكافي ده يعيش هنا ؟ كان لازم فعلا ينتحر من بدري "
الأوضه مكنش فيها اي حاجه ملفت للانتباه , لا عفش ولا غيره مفيش غير سرير قديم ملايته مقطعه وحالته حاله وجمبه مكتب صغير لقى المحقق عليه ورقة مطوية , فطلع من جيبة منديل ومسك الورقة وفتحها ومكنش مكتوب فيها الا كلمتين " الأحد القاتم " وده كان عنوان أغنية لمغني هنغاري اسمه " بول كالمار " كانت اغنية كئيبة جدا , فا المحقق مستغربش من ان دي اخر حاجه يكتبها الاسكافي اللى انتحر ..
بس اللى افتكره المحقق حاجه عادية ومش غريبة , كان غلط .. لأن الموضوع مكنش فعلا عادى .. بعد أيام استدعوه تانى عشان يعاين جثة بنت اسمها " ماري " عندها 17 سنه .. انتحرت بجرعة سم قوية , وجمب جثتها على السرير في دفتر مذكرات ورقة مقطوع وطاير فى كل حته حواليها , مسك منديلة ورفع الدفتر براحه , وقلب صفحاته بدون اى اهتمام , بس اول ماوصل للصفحة الاخيرة .. ملامحه اتغيرت واتصدم جداً .. استغرب من اخر حاجه كتبتها البنت فى دفترها قبل ماتنتحر " الأحد القاتم " ..
المحقق سأل نفسه " ايه اللي بيحصل ؟!! ايه موضوع الاغنية دي بالذات مع الناس اللي بتنتحر ؟! "
بس دي مكانتش اخر مفجأة للمحقق ,, البلاغات عن الانتحار كترت جدا جدا بشكل يخوف وكل الحالات دي سمعت الاغنية الكئيبة !
ناس فجرت دماغها برصاصة , وناس غرقت نفسها , وناس تانية قطعت شراينها فى الحمام ., وكان فى وقتها قصة غريبة انتشرت جداً .. ان واحد كان قاعد فى بار وطلب من الساقي يشغله الاغنية وبمجرد مانتهت الاغنيه طلع من البار ورمى نفسه قدام العربيات , وقصة تانيه اغرب لولد كان سايق العجلة بتاعته وماشي على جسر تحتيه نهر وسمع متسول بيدندن الأغنية , فنزل الولد بسرعة طلع كل الحلويات اللى فى جيبة والفلوس اللى معاه واداها للمتسول وجري بسرعه نط من فوق الجسر للنهر "
كل الاحداث دي مكانتش صدفة ,كان فى حاجه غريبة فعلا فى الاغنية دي .. وفى ليله من الليالي الاغنيه دي بقت حديث الصحف والبلد كلها فى بودابست وخدت شهرة كبيرة جدا لدرجة ان الشرطه طلبت من الحكومه قانون بيمنع بث وتداول الأغنية , بس الحكومة شافت ان حظر الاغنية ممكن يؤدي لنتائج عكسية وتزيد من شعبيتها ! " لا بارك الله فيكم الحقيقة " !
الأغنية بدأت تنتشر فى كل مكان .. وبدأت حالات الانتحار تكتر .. فى برلين مثلاً لقوا واحدة عندها محل بقاله مشنوقة فى اوضة نومها وتحت رجليها على طول نسخة من اسطوانه " الأحد القاتم " وفي نيويورك انتحرت شابة وطلبت فى وصيتها يشغلوا أسطوانه " الأحد القاتم " فى جنازتها "
شهرة الأغنية خلت ناس كتير تاخدها وتترجمها وتغنيها بلغات كتير جدا
ماري لويز داميان غنتها بالفرنساوي سنه 1936
نوريكو أوايا غنتها باليابانية سنه 1936
بيوتر لتشينكو غناها بالروسية سنه 1937
أوغستين مغالدي غناها بالأسبانية سنه 1938
اما اشهر اللي غناها بنسختها الانجليزي كانت المطربة " بيلى هولداي " سنه 1941
وكل ماتشتهر الاغنيه كل ماتزيد عدد ضحاياها لحد ماتحولت لأسطورة وسموها " الأغنية الإنتحارية الهنغارية "
************
حلو اوى كل اللى فات ده !؟ " فى الحقيقة مش حلو خالص "
مين بقى ابن اللذينه اللي عمل الأغنية الكئيبة دي؟!
ده ياسيدي ملحن "مجري" اسمه " راجو شرش " حتى اسمه كئيب !:D
كان يهودي والنحس والفقر طاردوة طول عمره , ودوه معسكرات الاعتقال النازية فى الحرب العالمية الثانية
وشاف اهله وقرايبة بيموتوا قدام عينيه وده ساب فى نفسه أثر كبير , ومع أنه نجى من الموت بمعجزة
إلا ان النكد والفقر والبؤس فضلوا معاه طول عمره لآخر لحظه فى حياته
كانت اغنية " الأحد القاتم " الاغنية الوحيدة اللى نجحت فى مسيرته الفنية
مع انه عمل اغانى كتير فيها انبساط وفرفشه بس نقول ايه المنحوس منحوس
نجاحة كان مشئوم , وقال بنفسه الحاج راجو عن نجاحة :
" أقف فى خضم هذا النجاح القاتل وكأني متهم , هذة الشهرة المميتة تسببت لي بالألم , جميع خيبات الأمل
التى طاردت قلبي بكيتها فى هذة الأغنية , ويبدو أن هناك آخرين شعروا مثلي ووجدوا فيها آلامهم
وأحزانهم الشخصية "
, ايه قصة الأغنية دي بقى ؟!
فى كلام كتير اتقال فى الموضوع ده , اشاعات وروايات كتير .. اكتر قصة اتداولها الناس ان الملحن اتخاصم فى يوم مع حبيبته وقعدوا فترة مبيتكلموش , وبعد ماعدى وقت كبير جداً حاول يصلح الامور ويروح يصالحها .. فاراح بيتها ومعاه بوكيه ورد ابيض .. وكان متلهف يشوفها جدا .. وكل مايقرب من بيتها دقات قلبة تزيد
وعند بيت حبيبته كانت مستنياه مفجأه " ركزوا فى الجزء ده عشان فيه مشهد هندي مشهور "
كان فى رجاله واقفين ساكتين وستات بتعيط على الباب والكل لابس اسود , مسألش ايه اللي حصل ومكلمش حد
دخل البيت واعصابة سايبة مش قادر يمشى من الخوف , وفضل يمشي بين الناس لحد ماوصل للصاله ولقى حبيبته اخيرا
نايمة فى تابوت مفتوح , جثه مفيهاش روح , وإنتحرت يوم الأحد القاتم ده
* ايه رأيكم فى الساسبينس ؟!؟ *
الراجل حس قد ايه هو فقري , وقعد يقول فى نفسه " مش كفايه انى فقير وفاشل ومليش لازمه .. كمان الحاجة الوحيدة الحلوة فى حياتي تروح من بين ايدي ! حول صريخة وألمة وجروحة لموسيقى شبعانه بؤس ومسكونه بضل اسود بيستولى على روح اللى بيسمعها .. وصديق الملحن الشاعر " لازلو جافور " ضاف من عنده لمسة تانية مليانه كآبة لما كتب قصيدة ملاها بالحسرة واليأس ..عشان يدمجها باللحن الكئيب ويعملوا منها اغنية ملعونة بالحزن
" الله عليا وعلى وصفي , خمسه عليا "B|
فى ناس بتقول ان الشاعر لازلو هو صاحب القصة وهو اللى ماتت حبيبته مش الملحن , وفى ناس تانية شايفة ان القصة غلط اصلا ومفيش اي حاجه حصلت من الهري ده كله وانا عماله اعبر واوصف على الفاضي ,, وان الاغنية دي نتيجة اوضاع وظروف وحشه كانت بتمر بالوقت اللى كانو فيه عموماً
عموماً , اياً كان ايه الحقيقة ..
دي ترجمه الأغنية بالعربي , ممكن تكون مش ترجمه دقيقة طبعا ..:-
الأحد قاتم , ساعاتي لا تهجع
عزيزتي , الظلال التى اعيش معها لا تعد
الورود البيضاء الصغيرة لن توقظكِ أبدا ,
ليس هناك حيث أخذتكِ عربة الحزن السوداء
الملائكة لا تفكر أبدا فى إعادتكِ
ياترى هل سيغضبون لو فكرت بأن الحق بكِ ؟
الأحد القاتم .
الأحد قاتم ,, أمضيته مع الظلال كله
انا وقلبي وقررنا ان ننهي الأمر كله
قريباً ستكون هناك شموع وصلوات حزينه , أعلم ذلك
لكن دعهم لا يبكون , دعهم يعلمون بأنى سعيد بالذهاب
الموت ليس حلماً لأني فى الموت سوف أداعبك
مع آخر نفس من روحي سوف أباركك
الأحد القاتم
أحلم انا فقط كنت أحلم
استيقظت ووجدتكِ نائمة فى أعماق قلبي عزيزتي
حبيبتي , اتمنى أن حلمي لن يسكنك أبدا
قلبي يخبرك كم اريدك
الأحد القاتم
******
طبعا دي ترجمه الاغنيه بنسختها الانجليزي , النسخة المجرية الاصلية بتختلف وبيقولو ان الفقرة الاخيرة من القصيدة اللى بيقول فيها الشاعر انه كان بيحلم , اتضافت بعدين عشان تخفف من حجم الكآبة اللى بتنطوي عليه وعشان تبعد شبح الانتحار عن الناس اللي بتسمعها
هيئة الاذاعة البريطانية " بي بي سي " حظرت بث الاغنية فى الاربعينيات ومشالتش الحظر الا فى السنين الاخيرة وبردو محطات فى اوروبا والولايات المتحده عملت نفس الحاجة , "
ملحن الأغنية نفسه قال انه مكنش سهل يلاقي اللي يوافق علي طبع ونشر الاغنيه
وواحد من المنتجين قال :
" المسأله ليست أن الاغنية حزينة , لكن هناك نوع من اليأس القاهر والرهيب فيها , لا أعتقد ان هناك أي خير لأي كان فى الاستماع لأغنية كهذة "
الغريب بقى فى الموضوع كله , نهاية الحاج اللى لحن الاغنيه شخصياً:D
إنتحر .. ايووون إنتحر .. ماهو بعد كمية النكد دي لازم ينتحر او يتقتل عموما لازم نهايته تبقى صعبه
مبقاش قادر يستحمل النحس اللى فى حياته والألم وحس بالذنب ناحية كل الناس اللي انتحرت بسبب اغنيته
" اخيرا حس يعني ! " , وفي يوم "أحد قاتم " سنه 1968 فى وقت الظهر تقريبا, بعد ماحتفل بعيد ميلاده الـ 69 , رمى الملحن راجو شرش نفسه من شباك شقته فى بودابست , بس بما ان المنحوس منحوس بردو , مماتش مع انه رمى نفسه من دور عالى جداً ..
نقلوة المستشفى بعد مانجا من الوقعة واتعور وجاله كسور , عالجوه وهو بيعيط وبيتوسل الموت , ولما خلصوا علاجة وسابوة فى اوضته يرتاح بالليل, زحف من على سريرة وبكل ماتبقاله من قوة سحب سلك كهربا من الحيطه ولفه حوالين رقبته
وفى اليوم التانى , الممرضات لقوا الملحن راجو شرش مشنوق فى الأوضة بالسلك الكهربائي
" لقد قرر أن ينهي الأمر كله "
دي بقى لينكات الأغنية أول لينك الموسيقى الأصلية
وتانى لينك الأغنية بصوت المغنية سارة برايتمان
" متخافوش مش هيحصلكم حاجه , لأننا مصريين مبنتأثرش بالكلام الفارغ ده , افتكروا كويس اننا بنسمع محمد محيي ومصطفى كامل ومهرجانات وبناكل فول وطعمية وعايشين وزي الفل "3:) 3:)
اول لينك
تاني لينك :
فى انتظار ارائكم^_^
#يارا_عمر
مصادر :
1
2
3
4
:Dعزيزتى المجروحة عزيزي المجروح " ركز معايا "
:D B|هتكلم النهاردة عن أغنية قتلت كل الى سمعها !! * أغنية مميته *
O.oأعزائي القراء , جهزوا مناديلكم.. جهزوا برشام الصداع
:3موضوعنا النهاردة اخطر من " مصطفى كامل ومحمد محيي "
موضوعنا مليان شحنه سلبية جبارة
3:)هنسمي بالله ونبدأ
:Dلينك الأغنيه فى اخر الموضوع
^_^ "دلوقت هيجروا يفتحوا
الأغنية قبل مايقرأوا " #حركات_مصريين :D************
مش غريب علينا اننا نسمع اغنيه فانحس بالاحباط والإكتئاب لدرجة اننا كتير بنعيط " بتحصل كتير جدا "
ساعات الأغانى بتصحى ذكرى فى نفوسنا او شعور مدفون فى قلوبنا , فا بتستفز دموعك عشان تعيط
بس لما تكون الأغنية كئيبة لدرجة ان اللى يسمعها يموت !!! ده بقى اللى غريب اوى .. خلوني احكيلكم قصة قصيرة
فى تلاتينات القرن الماضي , أوروبا مكانتش بلد جميله ومسالمه زي دلوقت , كان فى فساد كتير جدا
والأحزاب المتطرفة كانت بتستميل الناس الفقراء والعاطلين واللى رافضين الاوضاع السياسية والاقتصادية فى البلد
" الجزء ده بيفكركم بحاجه !؟؟! لا خلاص خلينا فى موضوعنا عشان مروحش فى داهية "
:D كلنا سمعنا عن " المجر ( هنغاريا ) " المنطقة دي كمان كان وضعها زي وضع لندن , وشبابهم فقراء ومعدومين وحالتهم كرب !
الوضع الكئيب اللى كله بؤس ده كان بيخلى الناس تعمل تصرفات متطرفة زي السرقة والنهب والنصب والعنف .. والإنتحار!
المجر كان عندها اعلى معدلات الانتحار في القارة الأوروبية , عشان كده الشرطه مهتمتش لما استدعوهم يعاينوا جثة الاسكافي " الجزمجي يعني " "جوزيف كالر " اللى مات منتحر زي ناس كتير اوى .. شنق نفسه فى اوضته فى بيته المتهالك واللى رايح فى داهية ! فى حارة صغيرة رايحة فى داهية فى منطقة بودابست, يعني الراجل كان البؤس حواليه فى كل مكان ولا حد بيسأل عليه ولا بيعبرة , اسكافي عنده حوالى خمسين سنه عازب وتعبان ومفلس ..كانوا هيهتموا بيه ليه ؟!
فى محقق اسمه " كارل لانكه " زار الاوضة الي الاسكافي انتحر فيها كإجراء روتيني كده , يعني بالبلدي بيعمل الواجب
لقى ان الاوضة قديمة وريحتها وحشة وضلمة , وقال : " ازاى استحمل الاسكافي ده يعيش هنا ؟ كان لازم فعلا ينتحر من بدري "
الأوضه مكنش فيها اي حاجه ملفت للانتباه , لا عفش ولا غيره مفيش غير سرير قديم ملايته مقطعه وحالته حاله وجمبه مكتب صغير لقى المحقق عليه ورقة مطوية , فطلع من جيبة منديل ومسك الورقة وفتحها ومكنش مكتوب فيها الا كلمتين " الأحد القاتم " وده كان عنوان أغنية لمغني هنغاري اسمه " بول كالمار " كانت اغنية كئيبة جدا , فا المحقق مستغربش من ان دي اخر حاجه يكتبها الاسكافي اللى انتحر ..
بس اللى افتكره المحقق حاجه عادية ومش غريبة , كان غلط .. لأن الموضوع مكنش فعلا عادى .. بعد أيام استدعوه تانى عشان يعاين جثة بنت اسمها " ماري " عندها 17 سنه .. انتحرت بجرعة سم قوية , وجمب جثتها على السرير في دفتر مذكرات ورقة مقطوع وطاير فى كل حته حواليها , مسك منديلة ورفع الدفتر براحه , وقلب صفحاته بدون اى اهتمام , بس اول ماوصل للصفحة الاخيرة .. ملامحه اتغيرت واتصدم جداً .. استغرب من اخر حاجه كتبتها البنت فى دفترها قبل ماتنتحر " الأحد القاتم " ..
المحقق سأل نفسه " ايه اللي بيحصل ؟!! ايه موضوع الاغنية دي بالذات مع الناس اللي بتنتحر ؟! "
بس دي مكانتش اخر مفجأة للمحقق ,, البلاغات عن الانتحار كترت جدا جدا بشكل يخوف وكل الحالات دي سمعت الاغنية الكئيبة !
ناس فجرت دماغها برصاصة , وناس غرقت نفسها , وناس تانية قطعت شراينها فى الحمام ., وكان فى وقتها قصة غريبة انتشرت جداً .. ان واحد كان قاعد فى بار وطلب من الساقي يشغله الاغنية وبمجرد مانتهت الاغنيه طلع من البار ورمى نفسه قدام العربيات , وقصة تانيه اغرب لولد كان سايق العجلة بتاعته وماشي على جسر تحتيه نهر وسمع متسول بيدندن الأغنية , فنزل الولد بسرعة طلع كل الحلويات اللى فى جيبة والفلوس اللى معاه واداها للمتسول وجري بسرعه نط من فوق الجسر للنهر "
كل الاحداث دي مكانتش صدفة ,كان فى حاجه غريبة فعلا فى الاغنية دي .. وفى ليله من الليالي الاغنيه دي بقت حديث الصحف والبلد كلها فى بودابست وخدت شهرة كبيرة جدا لدرجة ان الشرطه طلبت من الحكومه قانون بيمنع بث وتداول الأغنية , بس الحكومة شافت ان حظر الاغنية ممكن يؤدي لنتائج عكسية وتزيد من شعبيتها ! " لا بارك الله فيكم الحقيقة " !
الأغنية بدأت تنتشر فى كل مكان .. وبدأت حالات الانتحار تكتر .. فى برلين مثلاً لقوا واحدة عندها محل بقاله مشنوقة فى اوضة نومها وتحت رجليها على طول نسخة من اسطوانه " الأحد القاتم " وفي نيويورك انتحرت شابة وطلبت فى وصيتها يشغلوا أسطوانه " الأحد القاتم " فى جنازتها "
شهرة الأغنية خلت ناس كتير تاخدها وتترجمها وتغنيها بلغات كتير جدا
ماري لويز داميان غنتها بالفرنساوي سنه 1936
نوريكو أوايا غنتها باليابانية سنه 1936
بيوتر لتشينكو غناها بالروسية سنه 1937
أوغستين مغالدي غناها بالأسبانية سنه 1938
اما اشهر اللي غناها بنسختها الانجليزي كانت المطربة " بيلى هولداي " سنه 1941
وكل ماتشتهر الاغنيه كل ماتزيد عدد ضحاياها لحد ماتحولت لأسطورة وسموها " الأغنية الإنتحارية الهنغارية "
************
حلو اوى كل اللى فات ده !؟ " فى الحقيقة مش حلو خالص "
مين بقى ابن اللذينه اللي عمل الأغنية الكئيبة دي؟!
ده ياسيدي ملحن "مجري" اسمه " راجو شرش " حتى اسمه كئيب !
:Dكان يهودي والنحس والفقر طاردوة طول عمره , ودوه معسكرات الاعتقال النازية فى الحرب العالمية الثانية
وشاف اهله وقرايبة بيموتوا قدام عينيه وده ساب فى نفسه أثر كبير , ومع أنه نجى من الموت بمعجزة
إلا ان النكد والفقر والبؤس فضلوا معاه طول عمره لآخر لحظه فى حياته
كانت اغنية " الأحد القاتم " الاغنية الوحيدة اللى نجحت فى مسيرته الفنية
مع انه عمل اغانى كتير فيها انبساط وفرفشه بس نقول ايه المنحوس منحوس
نجاحة كان مشئوم , وقال بنفسه الحاج راجو عن نجاحة :
" أقف فى خضم هذا النجاح القاتل وكأني متهم , هذة الشهرة المميتة تسببت لي بالألم , جميع خيبات الأمل
التى طاردت قلبي بكيتها فى هذة الأغنية , ويبدو أن هناك آخرين شعروا مثلي ووجدوا فيها آلامهم
وأحزانهم الشخصية "
, ايه قصة الأغنية دي بقى ؟!
فى كلام كتير اتقال فى الموضوع ده , اشاعات وروايات كتير .. اكتر قصة اتداولها الناس ان الملحن اتخاصم فى يوم مع حبيبته وقعدوا فترة مبيتكلموش , وبعد ماعدى وقت كبير جداً حاول يصلح الامور ويروح يصالحها .. فاراح بيتها ومعاه بوكيه ورد ابيض .. وكان متلهف يشوفها جدا .. وكل مايقرب من بيتها دقات قلبة تزيد
وعند بيت حبيبته كانت مستنياه مفجأه " ركزوا فى الجزء ده عشان فيه مشهد هندي مشهور "
كان فى رجاله واقفين ساكتين وستات بتعيط على الباب والكل لابس اسود , مسألش ايه اللي حصل ومكلمش حد
دخل البيت واعصابة سايبة مش قادر يمشى من الخوف , وفضل يمشي بين الناس لحد ماوصل للصاله ولقى حبيبته اخيرا
نايمة فى تابوت مفتوح , جثه مفيهاش روح , وإنتحرت يوم الأحد القاتم ده
* ايه رأيكم فى الساسبينس ؟!؟ *
الراجل حس قد ايه هو فقري , وقعد يقول فى نفسه " مش كفايه انى فقير وفاشل ومليش لازمه .. كمان الحاجة الوحيدة الحلوة فى حياتي تروح من بين ايدي ! حول صريخة وألمة وجروحة لموسيقى شبعانه بؤس ومسكونه بضل اسود بيستولى على روح اللى بيسمعها .. وصديق الملحن الشاعر " لازلو جافور " ضاف من عنده لمسة تانية مليانه كآبة لما كتب قصيدة ملاها بالحسرة واليأس ..عشان يدمجها باللحن الكئيب ويعملوا منها اغنية ملعونة بالحزن
" الله عليا وعلى وصفي , خمسه عليا "
B| فى ناس بتقول ان الشاعر لازلو هو صاحب القصة وهو اللى ماتت حبيبته مش الملحن , وفى ناس تانية شايفة ان القصة غلط اصلا ومفيش اي حاجه حصلت من الهري ده كله وانا عماله اعبر واوصف على الفاضي ,, وان الاغنية دي نتيجة اوضاع وظروف وحشه كانت بتمر بالوقت اللى كانو فيه عموماً
عموماً , اياً كان ايه الحقيقة ..
دي ترجمه الأغنية بالعربي , ممكن تكون مش ترجمه دقيقة طبعا ..:-
الأحد قاتم , ساعاتي لا تهجع
عزيزتي , الظلال التى اعيش معها لا تعد
الورود البيضاء الصغيرة لن توقظكِ أبدا ,
ليس هناك حيث أخذتكِ عربة الحزن السوداء
الملائكة لا تفكر أبدا فى إعادتكِ
ياترى هل سيغضبون لو فكرت بأن الحق بكِ ؟
الأحد القاتم .
الأحد قاتم ,, أمضيته مع الظلال كله
انا وقلبي وقررنا ان ننهي الأمر كله
قريباً ستكون هناك شموع وصلوات حزينه , أعلم ذلك
لكن دعهم لا يبكون , دعهم يعلمون بأنى سعيد بالذهاب
الموت ليس حلماً لأني فى الموت سوف أداعبك
مع آخر نفس من روحي سوف أباركك
الأحد القاتم
أحلم انا فقط كنت أحلم
استيقظت ووجدتكِ نائمة فى أعماق قلبي عزيزتي
حبيبتي , اتمنى أن حلمي لن يسكنك أبدا
قلبي يخبرك كم اريدك
الأحد القاتم
******
طبعا دي ترجمه الاغنيه بنسختها الانجليزي , النسخة المجرية الاصلية بتختلف وبيقولو ان الفقرة الاخيرة من القصيدة اللى بيقول فيها الشاعر انه كان بيحلم , اتضافت بعدين عشان تخفف من حجم الكآبة اللى بتنطوي عليه وعشان تبعد شبح الانتحار عن الناس اللي بتسمعها
هيئة الاذاعة البريطانية " بي بي سي " حظرت بث الاغنية فى الاربعينيات ومشالتش الحظر الا فى السنين الاخيرة وبردو محطات فى اوروبا والولايات المتحده عملت نفس الحاجة , "
ملحن الأغنية نفسه قال انه مكنش سهل يلاقي اللي يوافق علي طبع ونشر الاغنيه
وواحد من المنتجين قال :
" المسأله ليست أن الاغنية حزينة , لكن هناك نوع من اليأس القاهر والرهيب فيها , لا أعتقد ان هناك أي خير لأي كان فى الاستماع لأغنية كهذة "
الغريب بقى فى الموضوع كله , نهاية الحاج اللى لحن الاغنيه شخصياً
:Dإنتحر .. ايووون إنتحر .. ماهو بعد كمية النكد دي لازم ينتحر او يتقتل عموما لازم نهايته تبقى صعبه
مبقاش قادر يستحمل النحس اللى فى حياته والألم وحس بالذنب ناحية كل الناس اللي انتحرت بسبب اغنيته
" اخيرا حس يعني ! " , وفي يوم "أحد قاتم " سنه 1968 فى وقت الظهر تقريبا, بعد ماحتفل بعيد ميلاده الـ 69 , رمى الملحن راجو شرش نفسه من شباك شقته فى بودابست , بس بما ان المنحوس منحوس بردو , مماتش مع انه رمى نفسه من دور عالى جداً ..
نقلوة المستشفى بعد مانجا من الوقعة واتعور وجاله كسور , عالجوه وهو بيعيط وبيتوسل الموت , ولما خلصوا علاجة وسابوة فى اوضته يرتاح بالليل, زحف من على سريرة وبكل ماتبقاله من قوة سحب سلك كهربا من الحيطه ولفه حوالين رقبته
وفى اليوم التانى , الممرضات لقوا الملحن راجو شرش مشنوق فى الأوضة بالسلك الكهربائي
" لقد قرر أن ينهي الأمر كله "
دي بقى لينكات الأغنية أول لينك الموسيقى الأصلية
وتانى لينك الأغنية بصوت المغنية سارة برايتمان
" متخافوش مش هيحصلكم حاجه , لأننا مصريين مبنتأثرش بالكلام الفارغ ده , افتكروا كويس اننا بنسمع محمد محيي ومصطفى كامل ومهرجانات وبناكل فول وطعمية وعايشين وزي الفل "
3:) 3:)اول لينك
تاني لينك :
فى انتظار ارائكم
^_^ #يارا_عمر
مصادر :
1
2
3
4
تعليقات
إرسال تعليق