شبح جرينبرير | اخبرت امها من قاتلها !
عالم
الأموات عالم غامض , ناس كتير حاولت تكتشف سره لكن بدون فائدة , يقول الله عز وجل
في قرآنه الكريم " قل الروح من أمر ربي وما أوتيتم من العلم إلا قليلا "
85 الإسراء
" الذي خلق الموت والحياة ليبلوكم أيكم أحسن عملا وهو العزيز الغفور " 2 الملك
ربنا قالنا ان العالم ده مخفي عننا , من الغيبيات اللي محدش يعرفها غيره هو بس
" وعنده مفاتح الغيب لا يعلمها إلا هو " الأنعام59
***
القصة اللي هتكلم فيها النهارده بتزيد الموضوع غموض , بتثير فطرتك البشرية على اكتشاف كل ماهو غريب " فضولك " , هو فعلاً في تواصل بينا وبين الاموات ؟ ينفع اصلا يكون فى تواصل ؟ .. هل احلامنا بتعتبر جزء من عالم تاني الروح بتعيش فيه ؟ .. هل في ترابط بينهم بأي شكل من الاشكال ؟! .. كل دي اسئله هتيجي في بالك بمجرد ماتعرف القصة دي ..
....
ايلفا زونا شو .. او ايلفا زونا هيستر .. او شبح جرينبرير !!
اتولدت في مقاطعة جرينبرير في ولاية فرجينيا سنة 1873 م , كانت علاقتها بأمها متوترة ومش كويسة بسبب انها اقامت علاقة مش شرعية مع واحد وجابت منه طفل مش شرعي وده سبب مشاكل كتير بينها وبين والدتها , وتصرفات ايلفا موقفتش عند الحد ده وبس .. ايلفا اتعرفت على راجل غريب جه من مكان بعيد عن البلدة اللى هما عايشين فيها اسمه " إدوارد ستريبلنج " وأصرت على انها تتجوزه رغم معارضة امها بسب انها راجل غريب عن اهل البلدة , بس ايلفا مهتمتش برأي امها واتجوزت ادوارد سنة 1896
جواز ايلفا مطولش , قضت تلات شهور بس في جوازها , روح ايلفا ودعت الحياة للابد وسابت وراها جثتها في بيت جوزها سنة 1897 , ايلفا مكانتش بتعاني من أي مرض بالعكس كانت شابه قوية بصحه ممتازة .. وموضوع وفاتها كان شيء مش طبيعي بالنسبة للكل .. في يوم من الايام .. في طفل من البلدة لقاها واقعه على سلم بيتها اللي عايشه فيه مع جوزها وافتكرها غائبة عن الوعي والولد جري بسرعة لأمها وحكالها اللى شافه وامها جريت لدكتور البلدة عشان يروح معاها ينقذ بنتها ..لما وصل الدكتور للبيت لقى إدوارد غير مكان مراته ومنيمها على سرير اوضتها وغيرلها هدومها ولبسها ثوب طويل مغطي رقبتها بالكامل ,
وقاعد جمبها بيحضن راسها وبيعيط بحرقة .. , الدكتور بدأ بعملية فحص وفحص جسم إيلفا
لكن مقدرش يفحصها ويعمل شغله كويس بسبب تمسك ادوارد بزوجته اللى عطل الدكتور
حتى كل ما يقرب عشان يفحص وش ايلفا او يحاول يبعد ثوبها عن رقبتها , إدوارد يزعق في وشه وتنتابه حالة هستيرية من الصريخ والعياط , وده عطل الدكتور بشكل كبير جداً .. واكتفى الدكتور فى الاخر بالفحص الظاهري السريع لجسم ايلفا , اللى اتوصل من خلاله انم فيش اى جروح او علامات لادوات حادة استعملت ضد ايلفا .. ومع انه لاحظ وجود بقع داكنه اللون عند رقبتها الا انه مداش الموضوع اهتمام وكتب في تقريرة ان وفاة ايلفا كانت طبيعية ومفيش اى حاجة تدل على انها جريمة قتل
الدكتور رجع بيته بعد ماكتب التقرير وبدأت مراسم الجنازة
اللى بردو كانت مليانه تصرفات غريبة من ادوارد , ادوارد فضل جمب الجثمان طول الجنازة ومسمحش لأى حد يقرب منها وأصر ان مراته تدفن بالثوب اللي لبسهولها بحجة ان الثوب ده هو ثوبها المفضل , ومسابهاش لحد ماتدفن والكل رجع بيته وانتهى الموضوع
اما ام ايلفا " ماري " فالما تلقت خبر وفاة بنتها اصيبت بصدمة وقالت بمجرد ماعرفت " لقد قتلها الشيطان " وتقصد بكلامها زوج ايلفا " ادوارد " كانت دايما بتكرهه وعمرها مارتاحت ليه ابدا , وبعد انتهاء مراسم الجنازة حست بالحنين لبنتها وقررت تروح بيت بنتها اللى ماتت فيه .. ودخلت البيت وفضلت تتجول في المكان لحد مادخلت اوضة بنتها وتحسست بايدها كل حاجه فى الاوضة تخص بنتها الى قضى عليها الموت وهي شابه ,, وقررت تاخد معاها " الملاية " الي كانت ايلفا نايمه عليها كنوع من انواع الذكرى , ولما رجعت ماري لبيتها غسلت الملاية , لكن فجأة حصل حاجة غريبة .. المية اتحولت للون الاحمر وفجأة رجعت بسرعة للونها الطبيعي .. ماري اصيبت بصدمة وأصرت ان دي اشاره لإن بنتها اتقتلت .. بس فضلت شكوك وهواجس بتصيب ماري وتزيد بالوقت .. ومكانتش مقتنعة بقصة وفاة بنتها .. وفى يوم من الايام بعد مرور خمس اسابيع على وفاة ايلفا , كانت ماري نايمة .. وشافت بنتها عند اطراف السرير بتقولها أن حياتها مع ادوارد مكانتش سعيدة , وانه كان بيضربها ويزعقلها دايماً , وكان قاسي القلب ومكنش بيحبها .. وحكت لها كل حاجه لحد آخر لحظه في حياتها قبل ماتتقتل .. قالتلها ان ادوار رجع البيت وطلب منها تحضرله العشاء .. ولما قدمتله العشاء زعقلها .. عشان محطتلوش " لحمة " كتير في الطبق !!!, ومسك رقبتها وصب غضبه كله وقوته في خنقها والوحشية وصلت بيه لأنه يكسر رقبتها ويسيبها جثة هامدة .. ماري قامت من الحلم مفزوعة ومش مصدقة اللى شافته في حلمها .. لكن الي عجيب اكتر .. ان الحلم اتكرر معاها اربع مرات في اربع ايام لحد مابقى عندها اليقين ان القصة صحيحة وان بنتها ماتت مقتوله
ماري فضلت تتوسل لعمدة البلدة كذا يوم عشان يعيد فتح التحقيق في مقتل ايلفا , لحد ماوافق وامر بفتح تحقيق جديد في مقتل ايلفا .. وفريق التحقيق استخرج الجثة مره تانيه وبمجرد ماكشفوا عنها الكفن ظهرت علامات الخنق على رقبة ايلفا وعملية تحلل الجثة ساعدت اكتر في ظهور العلامات وبعد فحصها اتبين ان رقبة ايلفا اتكسر بوحشية , والفريق لقى بصمات صوابع ورفعوها واتبين انها بصمات تخص ادوارد
وعلى الفور قبضوا عليه بتهمة قتل زوجته ايلفا , قدموه للمحاكمة في ولاية فرجينيا واتحكم عليه بالسجن مدى الحياة , اما اهل ايلفا فامكانوش راضيين عن الحكم وكانوا مستنيين لإدوارد الإعدام , لكن بعد 3 سنين على الحكم مات ادوارد في زنزانته والسلطات دفنوه في قبر مجهول عشان ميتعرضش للجثمان حد من الأهالي , والسلطات في ولاية فرجينيا حطوا لوحة على قبر ايلفا بتحكي فيها قصتها وحلم والدتها الى كان مفتاح حل القضية .. وأنه كان بيعتقد في الاول ان وفاتها طبيعية لكن الموضوع اختلف بعد ماظهرت ايلفا بنفسها تحكي غموض مقتلها ..
ممكن يكون سكان مقاطعة جرينبرير حلوا لغز مقتل ايلفا , لكن اللغز الأكبر اللى محدش قدر يحله , ازاى اللى بنشوفه في حلمنا يتحقق في الواقع ,, وايه السر في التواصل العجيب بين احلامنا وبين ناس فارقوا الحياة ؟ وعارفة ان في ناس هتحاول ترجع القصة لتفسير علمي برغم ان مفيش اي تفسير علمي لحد دلوقت بخصوص الموضوع ده , ياترى العلم في المستقبل هيلاقي تفسير ؟
عن نفسي معتقدش
" وعنده مفاتح الغيب لا يعلمها إلا هو " الأنعام59
صدق الله العظيم
" الذي خلق الموت والحياة ليبلوكم أيكم أحسن عملا وهو العزيز الغفور " 2 الملك
ربنا قالنا ان العالم ده مخفي عننا , من الغيبيات اللي محدش يعرفها غيره هو بس
" وعنده مفاتح الغيب لا يعلمها إلا هو " الأنعام59
***
القصة اللي هتكلم فيها النهارده بتزيد الموضوع غموض , بتثير فطرتك البشرية على اكتشاف كل ماهو غريب " فضولك " , هو فعلاً في تواصل بينا وبين الاموات ؟ ينفع اصلا يكون فى تواصل ؟ .. هل احلامنا بتعتبر جزء من عالم تاني الروح بتعيش فيه ؟ .. هل في ترابط بينهم بأي شكل من الاشكال ؟! .. كل دي اسئله هتيجي في بالك بمجرد ماتعرف القصة دي ..
....
ايلفا زونا شو .. او ايلفا زونا هيستر .. او شبح جرينبرير !!
اتولدت في مقاطعة جرينبرير في ولاية فرجينيا سنة 1873 م , كانت علاقتها بأمها متوترة ومش كويسة بسبب انها اقامت علاقة مش شرعية مع واحد وجابت منه طفل مش شرعي وده سبب مشاكل كتير بينها وبين والدتها , وتصرفات ايلفا موقفتش عند الحد ده وبس .. ايلفا اتعرفت على راجل غريب جه من مكان بعيد عن البلدة اللى هما عايشين فيها اسمه " إدوارد ستريبلنج " وأصرت على انها تتجوزه رغم معارضة امها بسب انها راجل غريب عن اهل البلدة , بس ايلفا مهتمتش برأي امها واتجوزت ادوارد سنة 1896
جواز ايلفا مطولش , قضت تلات شهور بس في جوازها , روح ايلفا ودعت الحياة للابد وسابت وراها جثتها في بيت جوزها سنة 1897 , ايلفا مكانتش بتعاني من أي مرض بالعكس كانت شابه قوية بصحه ممتازة .. وموضوع وفاتها كان شيء مش طبيعي بالنسبة للكل .. في يوم من الايام .. في طفل من البلدة لقاها واقعه على سلم بيتها اللي عايشه فيه مع جوزها وافتكرها غائبة عن الوعي والولد جري بسرعة لأمها وحكالها اللى شافه وامها جريت لدكتور البلدة عشان يروح معاها ينقذ بنتها ..لما وصل الدكتور للبيت لقى إدوارد غير مكان مراته ومنيمها على سرير اوضتها وغيرلها هدومها ولبسها ثوب طويل مغطي رقبتها بالكامل ,
وقاعد جمبها بيحضن راسها وبيعيط بحرقة .. , الدكتور بدأ بعملية فحص وفحص جسم إيلفا
لكن مقدرش يفحصها ويعمل شغله كويس بسبب تمسك ادوارد بزوجته اللى عطل الدكتور
حتى كل ما يقرب عشان يفحص وش ايلفا او يحاول يبعد ثوبها عن رقبتها , إدوارد يزعق في وشه وتنتابه حالة هستيرية من الصريخ والعياط , وده عطل الدكتور بشكل كبير جداً .. واكتفى الدكتور فى الاخر بالفحص الظاهري السريع لجسم ايلفا , اللى اتوصل من خلاله انم فيش اى جروح او علامات لادوات حادة استعملت ضد ايلفا .. ومع انه لاحظ وجود بقع داكنه اللون عند رقبتها الا انه مداش الموضوع اهتمام وكتب في تقريرة ان وفاة ايلفا كانت طبيعية ومفيش اى حاجة تدل على انها جريمة قتل
الدكتور رجع بيته بعد ماكتب التقرير وبدأت مراسم الجنازة
اللى بردو كانت مليانه تصرفات غريبة من ادوارد , ادوارد فضل جمب الجثمان طول الجنازة ومسمحش لأى حد يقرب منها وأصر ان مراته تدفن بالثوب اللي لبسهولها بحجة ان الثوب ده هو ثوبها المفضل , ومسابهاش لحد ماتدفن والكل رجع بيته وانتهى الموضوع
اما ام ايلفا " ماري " فالما تلقت خبر وفاة بنتها اصيبت بصدمة وقالت بمجرد ماعرفت " لقد قتلها الشيطان " وتقصد بكلامها زوج ايلفا " ادوارد " كانت دايما بتكرهه وعمرها مارتاحت ليه ابدا , وبعد انتهاء مراسم الجنازة حست بالحنين لبنتها وقررت تروح بيت بنتها اللى ماتت فيه .. ودخلت البيت وفضلت تتجول في المكان لحد مادخلت اوضة بنتها وتحسست بايدها كل حاجه فى الاوضة تخص بنتها الى قضى عليها الموت وهي شابه ,, وقررت تاخد معاها " الملاية " الي كانت ايلفا نايمه عليها كنوع من انواع الذكرى , ولما رجعت ماري لبيتها غسلت الملاية , لكن فجأة حصل حاجة غريبة .. المية اتحولت للون الاحمر وفجأة رجعت بسرعة للونها الطبيعي .. ماري اصيبت بصدمة وأصرت ان دي اشاره لإن بنتها اتقتلت .. بس فضلت شكوك وهواجس بتصيب ماري وتزيد بالوقت .. ومكانتش مقتنعة بقصة وفاة بنتها .. وفى يوم من الايام بعد مرور خمس اسابيع على وفاة ايلفا , كانت ماري نايمة .. وشافت بنتها عند اطراف السرير بتقولها أن حياتها مع ادوارد مكانتش سعيدة , وانه كان بيضربها ويزعقلها دايماً , وكان قاسي القلب ومكنش بيحبها .. وحكت لها كل حاجه لحد آخر لحظه في حياتها قبل ماتتقتل .. قالتلها ان ادوار رجع البيت وطلب منها تحضرله العشاء .. ولما قدمتله العشاء زعقلها .. عشان محطتلوش " لحمة " كتير في الطبق !!!, ومسك رقبتها وصب غضبه كله وقوته في خنقها والوحشية وصلت بيه لأنه يكسر رقبتها ويسيبها جثة هامدة .. ماري قامت من الحلم مفزوعة ومش مصدقة اللى شافته في حلمها .. لكن الي عجيب اكتر .. ان الحلم اتكرر معاها اربع مرات في اربع ايام لحد مابقى عندها اليقين ان القصة صحيحة وان بنتها ماتت مقتوله
ماري فضلت تتوسل لعمدة البلدة كذا يوم عشان يعيد فتح التحقيق في مقتل ايلفا , لحد ماوافق وامر بفتح تحقيق جديد في مقتل ايلفا .. وفريق التحقيق استخرج الجثة مره تانيه وبمجرد ماكشفوا عنها الكفن ظهرت علامات الخنق على رقبة ايلفا وعملية تحلل الجثة ساعدت اكتر في ظهور العلامات وبعد فحصها اتبين ان رقبة ايلفا اتكسر بوحشية , والفريق لقى بصمات صوابع ورفعوها واتبين انها بصمات تخص ادوارد
وعلى الفور قبضوا عليه بتهمة قتل زوجته ايلفا , قدموه للمحاكمة في ولاية فرجينيا واتحكم عليه بالسجن مدى الحياة , اما اهل ايلفا فامكانوش راضيين عن الحكم وكانوا مستنيين لإدوارد الإعدام , لكن بعد 3 سنين على الحكم مات ادوارد في زنزانته والسلطات دفنوه في قبر مجهول عشان ميتعرضش للجثمان حد من الأهالي , والسلطات في ولاية فرجينيا حطوا لوحة على قبر ايلفا بتحكي فيها قصتها وحلم والدتها الى كان مفتاح حل القضية .. وأنه كان بيعتقد في الاول ان وفاتها طبيعية لكن الموضوع اختلف بعد ماظهرت ايلفا بنفسها تحكي غموض مقتلها ..
ممكن يكون سكان مقاطعة جرينبرير حلوا لغز مقتل ايلفا , لكن اللغز الأكبر اللى محدش قدر يحله , ازاى اللى بنشوفه في حلمنا يتحقق في الواقع ,, وايه السر في التواصل العجيب بين احلامنا وبين ناس فارقوا الحياة ؟ وعارفة ان في ناس هتحاول ترجع القصة لتفسير علمي برغم ان مفيش اي تفسير علمي لحد دلوقت بخصوص الموضوع ده , ياترى العلم في المستقبل هيلاقي تفسير ؟
عن نفسي معتقدش
" وعنده مفاتح الغيب لا يعلمها إلا هو " الأنعام59
صدق الله العظيم
تعليقات
إرسال تعليق