هل اقترب شروق الشمس من مغربها؟
صحيح الشمس هتطلع من مغربها قريب ؟
سؤال غريب ومفاجئ , هينكره معظم الناس اللي هتشوفه لأول وهله وهيرفض تصديقه او المحاوله على اجابته وناس هتقول ده اي كلام وفتي.. السؤال ده انتشر بشكل واسع جداً بين محبي الفلك واللى متابعين جديده ممكن يكونوا عارفين اللى هقوله وعدى عليهم السؤال .. ايه الموضوع !؟ وليه السؤال ده بيتطرح الفتره دي وهل احنا فى عد تنازلي للظاهرة دي فعلا ؟ !
" الموضوع بإختصار شديد جداً : -
المعروف ان الارض ليها حقل مغناطيسي ثنائي القطب زي المغناطيس العادي بمعنى ان قطبيها متعاكسين وفي الطبيعي للمجال المغناطيسي ده انه بيحافظ على ثباته وشدته من آلاف لملايين السنين ولأسباب مش معروفة أحيانا بيضعف ويعكس إتجاهة في فترات زمانية متباعدة وفعلا على مدى التاريخ الجيولوجي للأرض حصلت مئات وممكن آلاف الانقلابات للمجال المغناطيسي وأخر إنقلاب حصل للمجال المغناطيسي للأرض كان من 786000 سنة ولما كان الجيولوجيين لاحظوا ضعف وتناقص في شدة المجال المغناطيسي للأرض اتنبأوا بقرب انقلاب المجال خلال ألف سنة وممكن 19 الاف سنة ! لكن بشكل غير متوقع الأمور خدت منعطف تاني لما وكالة الفضاء الأوروبية قدمت قياسات جديدة بأقمارها الصناعية " سوورم " في مؤتمر علمي في الدنمارك , وأظهرت القياسات دي ان ضعف وتناقص شدة المجال المغناطيسي للأرض زاد بشكل سريع جدا! بقى يتناقص دلوقت بمعدل 5% في كل عشر سنين بدل من كل قرن !!! وبكدة ممكن يحصل انقلاب للمجال المغناطيسي للأرض خلال الـ 100 سنة الجاية بعد ماكان بيحصل بعد آلاف السنين وده كـحد أقصى !
" ايه اللي هيحصل لو المجال المغناطيسي اتعكس واتقلب ؟! :-
من المعروف أن المجال المغناطيسي بيشكّل درع لينا من الجسيمات المشحونة السريعة الي بتقذفها الشمس في هيجاناتها وانفجاراتها فلو تلاشي المجال المغناطيسي أو اختفي ممكن يحصل بشكل مبدئي أنه يعرّضنا الى الإشعاعات المؤينة، الى بيؤدي لحدوث طفرات جينية وحالات سرطان كتيرة
المجال المغناطيسي بيساعد الطيور المهاجرة فى تنظيم وتحديد حركتها اثناء مهاجرتها , بتحس بيه وبتشوفه بطريقة ما ونفس الاحساس ده بيكون عند حيوانات تانيه زي النمل والسلاحق والحشرات وبعض الثديات زي الكلاب وغيرها , لحد دلوقت مفيش وصف علمي دقيق للي ممكن يحصل انقلاب المجال المغناطيسي لأنه محصلش وعاصرناه ابدا لكن المتخصصين بالهندسة الكهربائية والإتصالات بيقولوا ان انقلاب المجال المغناطيسي للأرض هيسبب الدمار , هيرفع من درجة حرارتها بسبب مواجهتها للعواصف الشمسية وهيدمر التكنولوجيا ويرجعنا لسنين كتير ورا , هيسبب مثلاً حرق المحولات الكهربائية ويؤثر على شبكات الكهرباء وأنظمة الاتصالات وحاجات تانية متتصورش ولا تتعد
طب ايه اثره على الانسان ؟!
بيقول العلماء ان هيكون في زيادة التدهور فى المجال يعني الخلايا داخل الجسم البشري هتتحطم وهيسبقها شعور بألم وخشونة وإلتهاب المفاصل والصداع والإرهاق ونقص في الكالسيوم يصل الى (80%) ,ده غير ان من المتوقع حدوث تقلصات عضلية وتدهور في الصحة العامة,وكمان بيتأثر الحمض النووي( DNA) داخل الجسم البشري.
وهيفضل المجال المغناطيسي مقلوب لفترة قد تصل الى (6000) سنة بعد ماهتزول الحياة من على الأرض ,ويحصل للأرض زي ماحصل للمريخ زمان .
"وأخيرا، هو فعلا لو انقلب المجال المغناطيسي للأرض هتشرق الشمس من الغرب؟ :-
منقدرش نقول ده صح لأن شروق الشمس من الشرق وغروبها في الغرب عبارة عن حركة ظاهرية بيسبّبها دوران الأرض حول محورها من الغرب إلى الشرق، وده ملوش علاقه بالإتجاهات المغناطيسية ,وعلماء الفلك يعرّفوا الاتجاهات وبيحددوها وفقا لتوزيع النجوم والأبراج المحيطة بينا في السماء, وبما أن دوران الأرض مش هيتغير لو حصل انقلاب للمجال المغناطيسي للأرض، فهيفضل طلوع الشمس (الظاهري) يحصل من نفس الاتجاه، يعني الشرق الجغرافي!
مصادر:http://bit.ly/2sOdLYg
http://bit.ly/1F7zCvS
http://bit.ly/2ufNf81
http://bit.ly/2sOC6gJ
https://go.nasa.gov/1D1GseP
#يارا_عمر
سؤال غريب ومفاجئ , هينكره معظم الناس اللي هتشوفه لأول وهله وهيرفض تصديقه او المحاوله على اجابته وناس هتقول ده اي كلام وفتي.. السؤال ده انتشر بشكل واسع جداً بين محبي الفلك واللى متابعين جديده ممكن يكونوا عارفين اللى هقوله وعدى عليهم السؤال .. ايه الموضوع !؟ وليه السؤال ده بيتطرح الفتره دي وهل احنا فى عد تنازلي للظاهرة دي فعلا ؟ !
" الموضوع بإختصار شديد جداً : -
المعروف ان الارض ليها حقل مغناطيسي ثنائي القطب زي المغناطيس العادي بمعنى ان قطبيها متعاكسين وفي الطبيعي للمجال المغناطيسي ده انه بيحافظ على ثباته وشدته من آلاف لملايين السنين ولأسباب مش معروفة أحيانا بيضعف ويعكس إتجاهة في فترات زمانية متباعدة وفعلا على مدى التاريخ الجيولوجي للأرض حصلت مئات وممكن آلاف الانقلابات للمجال المغناطيسي وأخر إنقلاب حصل للمجال المغناطيسي للأرض كان من 786000 سنة ولما كان الجيولوجيين لاحظوا ضعف وتناقص في شدة المجال المغناطيسي للأرض اتنبأوا بقرب انقلاب المجال خلال ألف سنة وممكن 19 الاف سنة ! لكن بشكل غير متوقع الأمور خدت منعطف تاني لما وكالة الفضاء الأوروبية قدمت قياسات جديدة بأقمارها الصناعية " سوورم " في مؤتمر علمي في الدنمارك , وأظهرت القياسات دي ان ضعف وتناقص شدة المجال المغناطيسي للأرض زاد بشكل سريع جدا! بقى يتناقص دلوقت بمعدل 5% في كل عشر سنين بدل من كل قرن !!! وبكدة ممكن يحصل انقلاب للمجال المغناطيسي للأرض خلال الـ 100 سنة الجاية بعد ماكان بيحصل بعد آلاف السنين وده كـحد أقصى !
" ايه اللي هيحصل لو المجال المغناطيسي اتعكس واتقلب ؟! :-
من المعروف أن المجال المغناطيسي بيشكّل درع لينا من الجسيمات المشحونة السريعة الي بتقذفها الشمس في هيجاناتها وانفجاراتها فلو تلاشي المجال المغناطيسي أو اختفي ممكن يحصل بشكل مبدئي أنه يعرّضنا الى الإشعاعات المؤينة، الى بيؤدي لحدوث طفرات جينية وحالات سرطان كتيرة
المجال المغناطيسي بيساعد الطيور المهاجرة فى تنظيم وتحديد حركتها اثناء مهاجرتها , بتحس بيه وبتشوفه بطريقة ما ونفس الاحساس ده بيكون عند حيوانات تانيه زي النمل والسلاحق والحشرات وبعض الثديات زي الكلاب وغيرها , لحد دلوقت مفيش وصف علمي دقيق للي ممكن يحصل انقلاب المجال المغناطيسي لأنه محصلش وعاصرناه ابدا لكن المتخصصين بالهندسة الكهربائية والإتصالات بيقولوا ان انقلاب المجال المغناطيسي للأرض هيسبب الدمار , هيرفع من درجة حرارتها بسبب مواجهتها للعواصف الشمسية وهيدمر التكنولوجيا ويرجعنا لسنين كتير ورا , هيسبب مثلاً حرق المحولات الكهربائية ويؤثر على شبكات الكهرباء وأنظمة الاتصالات وحاجات تانية متتصورش ولا تتعد
طب ايه اثره على الانسان ؟!
بيقول العلماء ان هيكون في زيادة التدهور فى المجال يعني الخلايا داخل الجسم البشري هتتحطم وهيسبقها شعور بألم وخشونة وإلتهاب المفاصل والصداع والإرهاق ونقص في الكالسيوم يصل الى (80%) ,ده غير ان من المتوقع حدوث تقلصات عضلية وتدهور في الصحة العامة,وكمان بيتأثر الحمض النووي( DNA) داخل الجسم البشري.
وهيفضل المجال المغناطيسي مقلوب لفترة قد تصل الى (6000) سنة بعد ماهتزول الحياة من على الأرض ,ويحصل للأرض زي ماحصل للمريخ زمان .
"وأخيرا، هو فعلا لو انقلب المجال المغناطيسي للأرض هتشرق الشمس من الغرب؟ :-
منقدرش نقول ده صح لأن شروق الشمس من الشرق وغروبها في الغرب عبارة عن حركة ظاهرية بيسبّبها دوران الأرض حول محورها من الغرب إلى الشرق، وده ملوش علاقه بالإتجاهات المغناطيسية ,وعلماء الفلك يعرّفوا الاتجاهات وبيحددوها وفقا لتوزيع النجوم والأبراج المحيطة بينا في السماء, وبما أن دوران الأرض مش هيتغير لو حصل انقلاب للمجال المغناطيسي للأرض، فهيفضل طلوع الشمس (الظاهري) يحصل من نفس الاتجاه، يعني الشرق الجغرافي!
مصادر:http://bit.ly/2sOdLYg
http://bit.ly/1F7zCvS
http://bit.ly/2ufNf81
http://bit.ly/2sOC6gJ
https://go.nasa.gov/1D1GseP
#يارا_عمر
تعليقات
إرسال تعليق