منظمة سيكادا | Cicada 3301
سمعت قبل كدة عن حشرة السيكادا ؟
يمكن لو انت بتدرس احياء
هتفتكر الحشرة دي او حتى هتفتكر شكلها .. " سيكادا – او حشرة الزيز" ..
انا طبعا مش هكلمكم عن الحشرة
انا هحكيلكم عن منظمة ظهرت في 4 يناير سنة 2012 وسمت نفسها باسم سكيدا او سيكادا "Cicada 3301" وخدوها
رمز ليهم فى رسايلهم وشفراتهم الغريبة ومفيش اي تفسير لسبب اختيارهم الحشره دي
بالذات!
اصلا محدش يعرف مين اللي أسس
المنظمة ومين راعيها او هي تابعةلمين ولا حتى ان كانت منظمة مستقلة محدش يعرف حاجه
عنهم ومفيش معلومات كتير عنهم
في ناس اتهمت الـ NSA "وكالة الأمن الوطني الأميركي "
بانها الممولة للمنظمة وانها بتدعمهم وفي ناس بتقول ان المنظمة تابعه لبنك كبير
بيجمع العباقرة والهاكرز الخبراء عشان تشغلهم في نظام حماية البنوك والفلوس من
عمليات الاختراق والسرقة اللى بيتعرضوا ليها وبيحاولوا يطوروا طريقة تحويل النقود
الرقمية زي عملة " بيتكوين" بتقنيات تشفير معقدة, وفي ناس بتقول ان
الماسونية هي اللي أسست سيكادا
لأهداف بتخدم مخططاتهم وناس
تانية قالت انهم فرقة من قراصنة الانترنت " هاكرز" مهتمين بجمع العباقرة
فى الاختراق والتهكير عشان يتحكموا فى العالم الرقمي كله وطبعا كل دي افتراضات
واراء قد تكون صحيحة وقد تكون خاطئة
*
بداية ظهورهم وأول لغز *
4
يناير سنة 2012 , ظهرت اول رسالة ليهم على موقع 4chan وقالوا فى رسالتهم ان المنظمة بتبحث عن افراد اذكياء وعندهم
كفاءة عالية جدا في التهكير
وان رسالتهم فيها لغز
والاذكياء بس هما اللى هيقدروا يحلوه ويوصلوا
للمنظمة
للمنظمة
الرسالة كانت بتقول
" "
" "
Hello
- مرحبا
we
are looking for highly intelligent individuals- نحن نبحث عن اشخاص بالغي
الذكاء
to
find them, we have devised a test – لأيجادهم وضعنا إختباراً
there
is a message hidden in the image – هناك رسالة مخبأة في هذة
الصورة
-
find it, and it will lead you on the road to finding us جدها
لتقودك في طريق وصولك إلينا
we
look forward to meeting the few that will make it all the way through.- نحن
نتطلع للقاء القلة الذين سيتمكنون من النجاح و الوصول للنهاية .
-
goodluck بالتوفيق
3301
الرسالة كانت اثارت فضول ناس
كتير جدا واشخاص بالمئات كانوا عايزين ينضموا للمنظمة , اثارت فضول الكل , خبراء
تشفير وهواة وخبراء الامن السيبراني والهاكرز ومحدش كان قادر يتخطى اول تحدي ! 90%
من اللي شاركوا في التحدي قالوا ان الشفرة مش بتتفك وانها كذب مش موجودة اصلا وان
المنظمة دي بتقول اي كلام عشان تلفت الانظار وتتشهر .. وفئة قليله جدا هي اللى كانت
مصرة على ان الشفرة ليها مضمون وممكن تتفك لحد ما قدر واحد يتخطى المرحلة الأولى
فعلا ورجع الجدل تاني حوالين الرسالة , وطبعاً قدر يتخطاها بعد ما المنظمة نشرت في
حسابها على تويتر تلميحات للناس عشان يقدروا يفكوا الشفرة
ورجع الناس اللي كانو بيكدبوا
حقيقة الشفرة يحاولوا يحلوها تاني لكن مكنش في اي حاجة تساعدهم غير شوية تلميحات
بسيطه جدا والمنظمة كانت بتتعمد نشر التلميحات كل شهر يناير في كل سنة جديدة على
موقع تويتر وتبدأ مرحلة جديدة في محاولة الهاكرز فى حل اللغز , لدرجة ان المشاركين
عملوا فرق ومجموعات عشان يتعاونوا في حلها ..
*معلومة
:-" الاكاونت بتاعهم فى تويتر نفسه محدش عارف يعمله تتبع مع ان تويتر معروف
جدا ومشهور بنظام التتبع العالي"
في يوم 5 يناير ظهرت صورة على
اكاونت المنظمة في تويتر بيقولوا فيها :
-
Hello مرحبا
Epiphany
is Upon you . Your pilgrimage has begun. Enlightenment awaits. Good luck
3301
فليكن الإلهام حليفكم , بدأ
الحج الخاص بكم حيث ينتظركم التنوير.
بالتوفيق
3301
الهاكرز والخبراء قالوا ان
الكلام مكتوب على صورة تبان خلفيتها سوداء لكن في الحقيقة هي رمادية غامقة ولو
فتحت الصورة ببرنامج تحرير للصور وزودت مستوى الظل هيظهر رمز المنظمة " حشرة
السيكادا " وده معناه ان الصورة اتعملت بأيد اعضاء المنظمة وان اكيد في رسالة
مخفية فعلا مشفره ومحتاجة لتحليل بهدوء
وقالوا انك بعد ماتحلل الصورة
هيظهرلك اقتباس من مقالة لـ " رالف والدو إميرسون " اسمها " الاعتماد
على الذات – self-reliance
"
وسلسلة من الارقام واكواد
التشفير وبشكل ما كل رقم مخفي في الصورة بيشير لفقرة وجملة وكلمة وحرف في مقالة
إميرسون الأصلية
وبعد ماتجمع الحروف دي هتطلع
عنوان موقع على النت
والمرحلة دي وصلت كل واحد قدر
يطلع الحل لموقع فى الـ " Dark web- الإنترنت
المظلم " ولقوا لغز تاني من منظمة سيكادا
*
لغز البطة *
الصدمة بقى كانت فى ان الموقع
اللي دخلوه طلعلهم صورة بطة مكتوب جمبها
"
أووبس , لقد وقعت في الفخ ! يبدو انك عاجز عن الوصول للرسالة "
والخبراء حاولوا ده ميحبطهمش
وقالوا ان يمكن البطة فخ عشان يتراجعوا وممكن تكون تلميح تاني وجربوا يحللوا
الصورة زي الصور الى فاتت
وفعلاً لقوا رسالة تانية
مشفرة وصلتهم لمنتدى موقع معروف مهتم بالتكنولوجيا وظهرلهم فيه شيفرات معقدة ورموز
كانت بتستخدمها حضارة المايا , وبعد ماقدروا يفكوا الشفرة ظهرت شفرة تانية !! وبدأ
الموضوع يتعقد اكتر
الباحثين حللوا رموز حضارة
المايا ووصلتهم لشفرة قدروا منها يوصلوا لديوان شعر بيروي قصة استلام الملك
الانجليزي آرثر مخطوطات لنصوص دينية من مقاطعة ويلز لفترة قبل المسيحية ومن هنا
وصلوا لقصيدة الكترونية نشرها الشاعر ويليام غيبسون سنة 1992 على سيديهات " فلوبي
ديسك " واتبرمجت السيديهات دي على انها تحذف محتواها من نفسها بعد ماتقرا
القصيدة مرة واحدة بس
وبدا عدد الباحثين يزيد
ويبقوا بالآلاف عشان يقدروا يحلوا الالغاز واتجمعوا فى منتديات معروفة بانها بتعمل
شاتات للهاكرز مخصوصة
ووصلوا ان الشيفرة فى القصيدة
فيها رسالة :
"
اتصل بنا على الرقم 000-000-0000 " رقم وهمي
ولما تتصل تلاقي رسالة مسجلة
بتطلب منك ترجع للمرحلة الاولى وتخرج عدد اولي في صورة اصلية وبعد ماضربوا الارقام
ببعضها لقوا عدد أولي جديد بيشير لعنوان موقع
" 00000000.Com" وظهرت فيه ساعة بتعد عد
تنازلي ورمز
حشرة السيكادا ورموز حضارة المايا
حشرة السيكادا ورموز حضارة المايا
ولما وصل العد التنازلي للصفر
اختفت الساعة وظهر مكانها رموز لـ جي بي اس بيوصل لـ 14 مكان في العالم " وارسو
, باريس سياتل , صول , أريزونا , كاليفورنيا , نيو أورلينز , ميامي , هاواي , سيدني "
واتسابق الباحثين على الوصول
للمناطق المحددة ولقوا هناك صور متعلقة على عواميد النور عليها رمز حشرة السيكادا
وشيفرة بصرية " QR " – صورة
مرفقة
ودي صورة مصممة بالاسود
والابيض عشان تقراها كاميرا التليفون وتوصلك لموقع الكتروني ومن الموقع ده تدخل
الانترنت المظلم مرة تانية " Dark web"
بعد ماعدد من الأشخاص زاروا
الموقع ظهرت عليه رسالة بتقول
"
نحن نريد الأفضل , لا التابعين
"
وبكده يقصدوا ان كل اللى
نشروا الحل وكل اللي معرفوش يلاقوا لوحدهم الحل كانوا مجرد " تابعين" في
نظر منظمة سكيدا ..اما اللى حلوا اللغز لوحدهم وقدروا يوصلوا للمنظمة ..محدش يعرف
عنهم اى خبر
ويفضل اللغز الحقيقي قائم "
مين دول ؟ وبيعملوا ايه ؟.."
ايه رايكم انتوا؟
مصادر :-
تعليقات
إرسال تعليق