Collection | Horror
صانعة الألعاب
سنة 1920 كانت الست اللي دامكم فى الصورة مدرسة
مهووسة بصنع الألعاب ووصل هوسها لدرجة انها كانت عايزة تخلى شكل
العابها واقعي تماماً
فقصت شعر تلاميذها فى المدرسة عشان تركبه للعرايس ومش بس كدة , دي
كمان سلخت جلد طفلتها
عشان تركبه لعروسه بتصنعها بشكل خاص ومميز , وبعد ما اتقبض
عليها المحكمة محكمتش عليها بأي حاجة
بسبب ان اللى عملته فيه شيء من الجنون ويحولها لمصحة نفسية .
منزل John Lawson – جون لاوسون
يعتبر من اغرب البيوت في امريكا , محدش عارف مين عايش فيه .. كل
اللى معروف عنه ان المانيكانات " تماثيل عرض ازياء " اللى فى الصورة دي
بتتغير وضعيتها وهدومها كل يوم والفرندة اللي محطوط فيها المانيكانات متقسمه قسمين
, الجانب الي على يمين الفرندة فيه مانيكانات لابسه لبس معاصر للموضه الحالية
بتاعتنا والجانب الي على الشمال مانيكانات لابسه لبس لموضة قديمة جدا جدا ده غير
ان المانيكانات نفسها بتتغير .. لكن محدش عارف مين اللى بيعمل كدة
وازاى بشكل يومي بيتغيروا , في ناس بتقول ان ممكن التماثيل دي بتنقل رساله او
بتحاول تشير وتلمح بشكل غير مباشر للغز غير محلول وفي ناس بتقول ان التماثيل دي
المسؤول عنها يعرف لغز غير معلن عنه بخصوص حادثة حصلت سنة 1871 خلال فتره الشتاء
وكانت المنطقة بتمر بموجة صقيع شديد لمدة اسبوعين وحصلت حادثة خروج قطر عن مساره
واتقلب واتحطم على بعد 200 قدم عن البيت ومات بسبب الحادث حوالي 22 شخص وبيقولوا
كمان ان التماثيل دي دايما وضعية جلوسها حتى فى اتجاة مكان الحادثة لكن الحقيقة
ايه .. فا الله اعلم !
ضحايا عيد الهالوين
سنة 1962 كان في حفلة تنكرية و الشخص اللي لابس ماسك اسود في
الصورة قفل كل الابواب من الخارج
وحاول يقتل كل اللي حاضرين فى الحفلة , لكن مقدرش يقتل الا 7 بس
بإستخدام سكينة مطبخ .. ومحدش قدر يمسكه ابدا لكن الـ FBI لقت سنة 1969 الماسك بتاعه واحتفظت بيه فى عهدتها .
التوأم اللطيف القاتل
مورت وهارفي توأمين أمهم " ديسكورديا " هجرها زوجها
بسبب طريقة تربيتها لأولادها ومعاملتهم كـ " بنتين "
كانت بتلبسهم ملابس بنات وبتعاملهم زي البنات بالظبط وعلمتهم
تعليم منزلي لمدة 17 سنة لحد ما مورت وهارفي
اتعلموا حاجات تانيه كارثية , الشابين قتلوا امهم وهي نايمة
وخنقوها بالشيفون , وحطوا مكان عنيها عنين عروسه .
روزاليا لومباردو Rosalia Lombardo
روزاليا طفلة ايطالية اتولدت سنة 1918 وماتت بسبب الالتهاب
الرئوي في 6 ديسمبر 1920 , وأبو روزاليا زعل عليها جدا عشان كدة راح للدكتور
ألفريدو سالافيا وهو دكتور متخصص وبارع في التحنيط وطلب منه يحفظ جثمانها
وكان جثمانها اخر جثمان دخل معبد سراديب الموتى في صقلية , لكن
الغريب في قصة روزاليا , هو ان رغم انها ميت هالا انها بتفتح عينها وبشكل مستمر
وفى الاف الشهود على حركة عينها الغريبة اللى بتفتح وتغمض تاني لدرجة ان الناس بقت
تروح مخصوص عشان تزورها وتستني بالساعات على امل انهم يشوفوها بتفتح عينها .. لكن
ايه السبب ؟
محدش يعرف , فيديو ليها :
دمية مسكونة
سنة 2014 انتشر بشكل واسع جدا على تويتر وصحف زي الديلى ميل خبر
عن عروسه لقاها احد المارة فى سنغافورة جمب شجرة هدومها متوسخة وعلى عنيها قماشه
بيضه مكتوب عليها " بسم الله " واثارت الرعب والهلع بين الناس على النت
وقالت الصحيفة ان بعد البحث في قصة العروسة دي عرفوا انها قد تكون مسكونه بروح
شريره , صاحب العروسة دي قال انه حاول يتخلص منها بعد ماظهرت حاجات في البيت
بسببها مش طبيعيه ده غير انها بتتنقل من مكان لمكان في البيت لوحدها من غير ماحد يلمسها
ولما اتخلص منها قبل كدة كان بمجرد مايرجع البيت
يلاقيها , فا ملقا ش اي حل غير انه يحط على عنيها قماشة مكتوب عليها " بسم
الله " اعتقاداً منه بإن ذكر اسم الله عليها وتغطيه عنيها هيمنعوا القوة
الخفية اللى بتحركها ترجعهاله البيت تاني ومن المحتمل السنة دي يتعمل على قصة
العروسة فيلم
الصورة دي اتلقطت لشخص مصاب بحالة عظمية نادرة جداً
بتخلي العظام معكوسة ومبيقدرش يمشي بشكل طبيعي زي الانسان
العادي ومن اشهر الشخصيات الى كانت مصابه بنفس الحالة دي " ايلا هاربر "
لكن مش ده الغريب في الصورة , الغريب ان الشخص ده اتصور عريان تماماً وفي منطقة مقطوعة
وعلى حسب وصف الشخص اللي صورة
" ركض بشكل مخيف إلى جانب الطريق ليهرب واظهر بعض
التعبيرات المخيفه بوجهه واصابتني بالهلع "
الكنيسة المهجورة في لويزيانا - abandoned church in Louisiana
مفيش اي سبب يوضح ليه الكنيسة الوحيدة في قرية صغيرة
اتهجرت بشكل مفاجئ سنة 1970 ومحدش رجع يدخلها تاني ,
لكن بعض السكان المحليين قالوا انهم توارثوا عن جدودهم قصه
واحدة بخصوص الكنيسة دي .. بيقال ان كان في كاهن بيمارس طقوس طرد الأرواح الشريره
فى الكنيسة لكن فجأة فى حاجة غلط حصلت واللى كانو حاضرين الجلسة كلهم هربوا على
حسب كلامهم من " قوة الشيطان " اللى كانت بتفوق
قوتهم .
قوتهم .
تعليقات
إرسال تعليق