WR-104 | نجم عملاق يهدد الارض
في فترة الحرب الباردة سنة 1976 م
الولايات المتحدة أطلقت فى الفضاء قمر صناعي اسمه " فيليس" عشان يراقبوا
نشاط الاسلحة النووية للاتحاد السوفيتي , واثناء المراقبة القمر الصناعي لقط
" ومضة " لأشعة وكانت سبب فى انها تعمل حاله من الذعر والتوتر في
البنتاجون وبدأوا يجتمعوا ويتناقشوا في فرضية ان الروسيين طوروا سلاح نووي سري في
الفضاء..!
لكن العلماء اثناء بحثهم ودراستهم
للومضة الغريبة دي اتوصلوا لمعلومة مخيفة اكتر من فرضية السلاح النووي الروسي ..
والبنتاجون لقوا نفسهم قدام سلاح
تاني اكبر وبيواجهوا مع العالم حاجه اكبر بكتير ..نجم عملاق بينبعث منه اشعة جاما
" اشعة جاما :- من اخطر
الاشعاعات في المجال الكهرومغناطيسي بسبب طاقتها العالية الناتجة عن ارتفاع ترددها
ليها تاثير ضار جدا على الخلايا الحية ولولا وجود الغلاف الجوي اللي بيشتت الاشعة
حوالين كوكب الارض كانت الحياة علي سطحه انعدمت "
النجم اسمه Wr-104 المسافة بيننا وبينه حوالي 8,000 سنة ضوئية
و اكبر من شمسنا 100 مره واقوى منها
والعلماء بيصنفوا قوته بإنه في
المرتبه الثانيه بعد الانفجار العظيم
والسبب ببساطه ان بمجرد مايموت
النجم ده هيتحول لـ " Supernova – مستعر عظيم على اقل تقدير لكن المتوقع انه يبقى مستعر
فوق عظيم Hypernova " زي اي
نجم عملاق تاني بيوصل لنهاية عمره, هيتحول لقوة مرعبة هينفجر منها بشكل عامودي
كمية لا توصف من اشعة جاما فى الفضاء ولسوء حظنا اننا في مرمى الاشعة اللي هتنفجر
منه
وقبل ماتتنح خليني اشرحلك ايه اللي
بقوله بشكل ابسط ..
اي نجم عملاق " كتلته اكبر من
100 كتلة شمسية او بصيغة تانية اكبر من الشمس 100 مره "
بينهار في نهاية عمره بسبب الضغط
على النواة بتاعته وبيحصل انفجار قوي جدا جدا بيسميه العلماء " مستعر فوق
اعظم "وقلب النجم بيتقلص فجأة ويكون ثقب اسود وبيطلع من قطبيه عامودين بسرعة
الضوء ويطلع كميات ضخمه من اشعة غاما " صورة مرفقة للشرح في الكومنتات "
واقل كمية من اشعة جاما ممكن
الحياة على الارض تنتهي بسببها زي ماسبق وذكرت
والمثير للرعب في الموضوع وصف
الباحث والفلكي " بيتر توزل " من جامعة سيدني للنجم .. اللي قال انه
معجب جدا بالنجم بسبب شكله المميز والجميل لأنه شبه الدوامه لكن بيفكره بالمسدس
اللي متصوب فى إتجاه الأرض مباشرة ومستني ياخد الاذن بإطلاق الرصاصة واننا في مرماه
تماماً وعاجلاً او آجلاً السلاح هيضرب
طب هل الانفجار مش هيخلي كوكبنا
ينفجر ويتفتت مليون حته ؟
الاجابة لا.. بسبب المسافة اللي
بينا وبينه.. اشعة النجم مش هتقدر تخترق الغلاف الجوي بشكل كبير وتوصل لسطح الارض
تحرقها لكن هتغير كيمياء طبقة " الستراتوسفير " في الغلاف الجوي للارض
وحسب كلام عالم الفيزياء " أدريان ميلوت"
من جامعة كينساس في لورانس .. ان
النجم يقدر يطلق اشعاعات جاما ناحيتنا لمدة 10 ثواني ..10 ثواني بس هيحرمونا من
25% من طبقة الاوزون اللي بيحمينا من الاشعة الضارة
وبالتدريج هتبدأ كل الكائنات الحية
تموت
واشعة جاما ممكن تسبب ضباب هيخفي
عننا الشمس ويعمل امطار حمضية , وبالرغم من المسافة الكبيرة بيننا وبين الاشعة الا
ان تاثير الاشعة هيبقى ملموس في رأيي " ادريان ميلوت "
طب لو افترضنا ان النجم قريب مننا
وانفجر هنحس بيه ولا لا؟
الاجابة لا .. الانفجار هينتج طاقة
اكبر من الطاقة اللى انتجتها شمسنا طول عمرها.. اللي هيحصل انك هتشوف ضوء قوي جدا
جدا اعظم من ضوء شمسنا 100 مره وبعدها زي مابيقولوا " النور هيقطع خالص
" هتنتهي جميع اشكال الحياة على الارض
اللي يهمك تعرفه كمان ان النجم
تقدر تشوفه من الارض وهو في شكل دوامه وان النتائج البصرية والمراقبة الطيفية اكدت
ان اقطاب النجم بتميل بزاوية 16 درجه ناحية الارض ..
من حسن حظك ومن حسن حظ البشرية
كلها وكل الكائنات الحية ان النتائج دي قديمه وفي 2009 جمعية الفلكيين الاميركيين
نشرت بيانات جديده عن مراقبات طيفيه احدث ودقيقه اكتر
اثبتت ان النجم اقطابه بقت بتميل
بزاويه 30-40 درجه وبالتالي الارض بعدت عن مرمى الاشعه تماماً
خبر كويس صح ؟
طب خليني اصدمك تانى بتحديثات
ومراقبات ناسا لسنة 2014 اللى بتقول ان بالرغم من الـ 8 الاف سنة ضوئية بينا وبين
النجم
الا انهم احتمال ميكونوش كفايه عشان
يحمونا من الخطر
وان الانفجار هيكون هائل لكن
خسايره اقل للارض لكن دي حاجه مش اكيده نظراً لان مستوى الخطر لسه العلماء بيدرسوه
بدقه
لأن النجم والاشعة غير مفهومه بشكل
تام ليهم لحد دلوقت
مصادر :
تعليقات
إرسال تعليق