أسطورة الكونوست والجامايون "حراس الأرض المجهولين"

في البداية مين هما الكونوست وجامايون ؟

الاتنين عبارة عن مخلوقات اسطورية على شكل امرأة بوجه جميل جدا وجسد طائر وفي الغالب يأخذ نفس هيئة جسد طائر البومة ولكن عملاقة نوعاً ما ..وهما حراس شجرة الحياة ..

وبيشار لهم على انهم طيور الفرح والحزن ..

والاتنين جزء من الفلكلور السلافي والروسي القديم واتذكروا في حضارات تانيه بشكل مبهم ولهم مراجع وصور في السجلات الروسية

بيتوصف الكونوست في العادة على انه من مخلوقات العالم الآخر ورسول العالم المظلم على عكس الجامايون اللي بيعتقد انه له علاقة بالجنة ومن سكانها .. والبعض بيقول انه العكس وان الكونوست هي اللي من سكان الجنة وفي اختلاف كبير على الجزء ده. 

الكونوست

وجهها جميل جداً وصوتها ساحر لدرجة انه لو سمعها بشر بيتوقف عقله عن التفكير وينسى ذكرياته وكل حاجه حواليه وبيوصل لشعور من الاسترخاء عظيم وتجاهل لأي حاجه في العالم عشان بس يسمعوا صوتها وألحانها ..

ريشها بيتغير لونه مع لون السماء ولامع مع قوس قزح بنفس ألوانه وبعض الروايات وصفت جناحها بأنه داكن وفيه لمعة الوان قوس قزح

حوالين رأسها هالة او تاج ملكي ، ومن المهارات السحرية لها انها تقدر تسيطر على الطقس وتغني بصوت عذب للبشر والمخلوقات عشان تمحي ذاكرتهم .

محدش عارف الأسطورة جاية منين بالظبط وايه اصولها لكن يعتقد انها جايه من اسطورة يونانية عن الهة تدعى " هالسيون Halcyone " او " ألكيون " والبعض بيقول انها بتجسد إله الشمس حورس .

جامايون

وجهها جميل وبيضاء الوجه والريش ، ريشها وصفه البعض في روايات انه شفاف كالزجاج ويأخذ لون الانهار والسماء بالنهار ولامع .

بتمثل الحكمة والمعرفة ويقال انها بتيجي من الجنة عشان تنشر رسائل إلاهية وأنها بتعيش في جزيرة بالشرق قرب نهر الفرات وكمان بتشترك مع الكونوست في صفات كتير منها :

• الاتنين يعرفوا جميع اسرار البشرية والمخلوقات واسرار عن الكون.

• الاتنين صوتهم عذب وجميل وبيغنوا للحيوانات والطبيعة الحان .

• يعتقد ان اغانيهم وتراتيلهم للخالق ولها خصائص سحرية وصعب فك شفراتها للبشر ولكن قليل من البشر اللي عندهم قدرات ومواهب من الإله يقدروا يفهموها ويسمعوها بوضوح .

• تضع بيضها الذهبي في البحر لمدة اسبوع لأن البحر مليء بالهدوء والحكمة على الرغم من ان المياة بارده ، لا ترقد على البيض حتى يفقس في فصل الشتاء وتكتفي بمراقبة البيض من بعيد وتأخذهم لعالمها حتى ينضجوا وتعود . 

حسب الأسطورة ترفض تلك المخلوقات ان تعتبر آلهة وتكتفي بوصف " حراس الأرض المجهولين " ومهمتها تتلخص في أنها تكون نذير للفرح او الحزن ، اوقات تنذر عن الموت والشؤوم واوقات تنذر عن الفرح والسعادة ومراقبة المخلوقات والبشر ومعرفة جميع الاسرار وجميع الاحداث التي يشهدها عالمنا . 

الكونوست والجامايون مش بس اناث ، لكن في منهم ذكور ولكن مهمتهم مجهولة ولم يتم ذكرهم بشكل مفصل في الأساطير اما الاناث فهم حراس الطبيعة والبعض يصفهم بالجنيات لأن حماية الأرض والطبيعة والمخلوقات والحفاظ على التوازن البيئي اساس مهمتهم .

إضغط لقراءة المقال على فيسبوك